2 Kɔlìn 6:1 - Mundani

¹ Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

2 Kɔlìn 6:1 Referans Kwoze

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

1 Kɔlìn 3:9

Ba wu bòt bàa fɔta fàꞋà nɔ̂ abua Mbɔ̧ɔ̧mà la. Bɨ wu mbȩ Mbɔ̧ɔ̧mà, mè ngu lob Mbɔ̧ɔ̧mà.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.

Gàlashìà 2:21

E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Gàlashìà 3:4

Bɨ li ngua ndzèa taꞋà ngoꞋ yu ale wuê àku? Mâ mɨɨtè nê è li è kà wu àku.

ÀfaꞋa 14:3

Bɔntu̧ Yesò bu e bɔ̂ ngɨ̀ ale ntsèkê abàꞋ və ane àfɨ̀Ꞌ à seè, me làꞋà ka bɔ̌, shua bòt bu ndɨ Mbɔ̧ɔ̧mà nàa nkɔ̀ŋkà àwɔb la. Mbɔ̧ɔ̧mà li mè ŋà àwɔb mètàŋ bɔ me nɨa ngɨ̀à tèwuute ènəê kà ye fɨ̀Ꞌ nɨa nyɨ̀Ꞌta mètàŋ tò mè ngɨ̀à ngɨŋa mènəè nɨa nyɨ̀Ꞌta nê ànəa bɔ làꞋà la wu nkûŋ.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

Matìù 23:37

“Àfɨ̀Ꞌ àko a tseke tè me wu, Yesò bùꞋ me ŋȩa shua nê, ‘Bòt Jèlusalèm, bòt Jèlusalèm leꞋ! Bɨà mbùŋà bèndàꞋàtɔŋ Mbɔ̧ɔ̧mà ndɔ̀Ꞌ ŋèꞋnà bɔntu̧ Mbɔ̧ɔ̧mà tà tsàà abua yɨ̧ la, ane àti. Mâ nyɔ̀Ꞌtè a ngo̧ a ngò̧ nê e nkɨ enɨ èbu bɔ̧ efete awɨ̧ mbɨ̀Ꞌɨ̀ nkɔ̀Ꞌ nàa ngɨ̀ tà fète bɔ̧ bi ndzì a èten tèbààbè ti la, ka bɨ̀ ka bɨ̧ɨ̧ne!’

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.