2 Kɔlìn 5:8 - Mundani

⁸ Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

2 Kɔlìn 5:8 Referans Kwoze

2 Kɔlìn 5:6

Bàa bɔ ntɨ̀ àfɨ̀Ꞌ àgème; ba ko nê mbɨ̀Ꞌɨ̀ ba bele a èbem mbɨ̧te ènyit tàà la, bàa wua endɨ̌ ane àpfəa Yesò Klistò.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Jɔ̌n 14:3

Maa me ghɨ̀ tê ngà ntàŋke àdziꞋ abua yɨ̧, mbɔ̂ nkua akwèn nkɨ̀Ꞌɨ̂ nɨa wɨ̧ ba ghà nɔ̂, mbɨ̀Ꞌɨ̀ bɨa tseke ayɨ̧ àdziꞋa e ngu la mɨ̧̂.

2 Kɔlìn 5:9

Eyaa wu lə ba màà mbèle a sitsǎꞋ ŋàa, kò ngà tè ntsìꞋi nè tò leꞋ, ko ànəa mbì abua ya wu màngɨa àghɨa àa mbɔ̀ atò la.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Lûk 2:29

“Tê, à ghɨ̀ mbɨ̀Ꞌɨ̀ à li nkàꞋ la, ghɨa wafàꞋ wê sa sitsǎꞋ àfɨ̀Ꞌ yaa bò̧ bò̧.

Matìù 25:23

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la maa tsia wê àtsəa èghɨ nyaŋ. Nyi a lob ba nè efɔte ngùꞋtè àwa.’

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”