2 Kɔlìn 5:7 - Mundani

⁷ Ba tseka nkàà mèntɨ̧ɨ̧ ma mu baa zi ane Mbɔ̧ɔ̧mà la, è ntsě ane èghɨ bàa ndzea la.

2 Kɔlìn 5:7 Referans Kwoze

2 Kɔlìn 4:18

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,

Ebùlù 10:38

Mbɔ̂ bòt bɔ̧ bu bɔ̀ɔ ngɨ̀à mènəè ndɨŋndɨ̀ŋ la aa peme nkàà èntɨ̧ɨ̧ wu bɔ zi ane yaã la. Ka wòt tà tsǐ èntɨ̧ɨ̧ vi ane yaã la, ba tò è ka tsi wu ane ntsɔ̧̀ a.”

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

1 Pità 5:9

Bɨ̀ teme kwen tɨ̧ ŋǎ abua tò, ndzì mèntɨ̧ɨ̧ mɨ̧ wuê ane Mbɔ̧ɔ̧mà me kweele, ngu nê bɔnyɨ bɨ̧ a èdzìꞋ ègème a ngɔ̀ŋ ŋaa aà ndzea èwuu ngoꞋ mbɔŋ mɨ̧̂.

1 Kɔlìn 13:12

Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.