2 Kɔlìn 5:21 - Mundani

²¹ Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

2 Kɔlìn 5:21 Referans Kwoze

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

Lûm 5:19

Wòt wemɔ̀Ꞌ li ntu̧u̧ e ghɨ̀ àghɨa Mbɔ̧ɔ̧mà shu la, a ghɨ̀ bòt nyaŋ e tsiꞋi bòt kàbɔ̀ŋ, wu wuê ndɨ wòt wemɔ̀Ꞌ tà li ngua ndzəèa Mbɔ̧ɔ̧mà la, li ngɨ̀ Mbɔ̧ɔ̧mà nɨ bòt nyaŋ ane bòt bɔ̂ tɨ̧ɨ̧ ndɨŋndɨ̀ŋ a mbì li la.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

ÀfaꞋa 3:14

Tà li ŋǎ èntɨ̧ɨ̧ vi wuê ndaꞋa abua Mbɔ̧ɔ̧mà, mè ntɨ̧ɨ̧ ndɨŋndɨ̀ŋ a mbì tò, ka bɨ tsi atò ayɔɔ tè ntsìꞋi shù̧ù̧te a Pȩlèt nê tà yàa wuê wòt tà wu lɨ̧̂ la sàŋ, mbɔ̂ ŋǎ a Yesò bɔ bùŋè.

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.