2 Kɔlìn 5:11 - Mundani

¹¹ Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

2 Kɔlìn 5:11 Referans Kwoze

Jûd 1:23

È me wu e bu ntsìꞋa nga enyi a èwet la, bɨ səè àwɔb ntsì mbɨ̀Ꞌɨ̀ bɔɔ peme. Èbeko nè bòt aa və bɨ bɔ ndɨ bɨ̀a me tɨŋe awɔb la, ka bɨ me ghɨ̌, bɨ me baabe awɨ̧ mbɨ̀Ꞌɨ̀ ka mèntsèke kàbɔ̀ŋ mɔb zì mèkɔb ane yɨ̧.

Ebùlù 10:31

Wu ànəa àwèntè abua wòt taa kwene a tèkitebu Mbɔ̧ɔ̧mà yu̧.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

2 Kɔlìn 5:20

Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!

ÀfaꞋa 18:13

Bɔ̀ ghà ale bɔ nê, “Mbê waa nàà nyɔ̀Ꞌtà nkɨ eŋwèèle bòt ba, bɔɔ me wùꞋte a Mbɔ̧ɔ̧mà ane èwuu èlɨ̀ ko kà mbɨ̧tsə te bɨ̧ɨ̧nè.”

Lûk 12:5

Maa nyɨꞋte awɨ̧ wòt bɨ̀a me bɔa atò la. Bɨ̀ me bɔa wuê a Mbɔ̧ɔ̧mà. Tà wu wòt tà bùŋà wòt, tà bɔ̀ mètàŋ etsàa atò èwet Satàn la. Ane nkûŋ, bɨ̀ me bɔa wuê atò.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

ÀfaꞋa 26:26

Fɔ̧̀ Aglipà, à ko mènəè maa ègème, è wu ale, e ngu elàꞋa abua yê kà bɔ̀â. Mâ ye nê, ànəa ko ane ngaa kà à koê a ntsě, nkàà nê mènəè ngaa li è ka wua ntsèà a ntsèm.

ÀfaꞋa 19:26

Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème.

ÀfaꞋa 18:4

È ghɨ̀ è wu àliapfəèa àgème tà gha a lob Mbɔ̧ɔ̧mà me mù mènəè tò, nê ye kɨ e ghɨ̌ Bèjuê nè bòt kà wu Bèjuê aa zì mèntɨ̧ɨ̧ mɔb ane Yesò.

ÀfaꞋa 13:43

Bɔ̀ taate abot bòt e me ghǎ, Bèjuê nyaŋ nè bòt kà wu Bèjuê bɔ kubtè me wùꞋte a Mbɔ̧ɔ̧mà kùŋè a Pɔ̂l bɔ̂ Bànabasì. Bɔntu̧ bu e laꞋ abua yɔb nê, bɔ̀ me baãaã èngǎ̧ Mbɔ̧ɔ̧mà ngà wuê nè mbì ngȩ̀ȩ̀ne a èten ntsɔ̧̀ tò.

Lûk 16:31

“Abàlàghâm tsɔꞋɔ èngǎ̧ tò nê, ‘Bɔ bakà bɨ̧̀ɨ̧̀ne mènəè Musì bɔ̂ bèndàꞋàtɔŋ Mbɔ̧ɔ̧mà e shu la, ko wòt màà ndɔ̀Ꞌ adzìꞋa bèmpfəà nkɨ̀Ꞌâ è shu ànəê àko abua yɔb, ko bɔ̀ ka bɨ̧ɨ̧ne a.’ ”

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Matìù 10:28

Bɨ̀ ka mbɔ̀ɔ bòt bu bɔ̀ɔ bùŋe wòt, ka bɔ̀ ka wu ko ebùŋe àlɨ̀ŋkè tò la; bɨ̀ bɔɔ wuê wòt tàa ko tsàà mbɨ̧̀ ènyit nè àlɨ̀ŋkè a èbem èwet Satàn la.

Efesɔ̀s 5:21

Bɨ̀ me zə bɔnyɨ bɨ̧ nkàà nê bɨa nkùkta Yesò Klistò.

Ebùlù 12:29

Nkàà nê, Mbɔ̧ɔ̧mà wa wu ngule èwet àa shɨ̀à èghɨ la.