2 Kɔlìn 4:14 - Mundani

¹⁴ Ba ko nê Mbɔ̧ɔ̧mà wu tà li njù̧ù̧me a Yesò Lefɨ̀Ꞌ la naa ŋeꞋe awa wuê mbɨ̀Ꞌɨ̀ tà li ŋèꞋe a Yesò la, fɔɔle awɨ̧ enɨ kɨꞋɨ a mbì li.

2 Kɔlìn 4:14 Referans Kwoze

1 Tèsàlonikà 4:14

Ba ko nê Yesò li mpfə mè njù̧ù̧mê. Ale, ba ko mɨ̧̂ nê Mbɔ̧ɔ̧mà naa li ghɨ̌ Yesò naa nɨ bòt bu bɔ li ndzì mèntɨ̧ɨ̧ mɔb ane Yesò wu ka mpfəèꞋte la bɔ̂ tò ba aa ghà nɔ̂.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

1 Kɔlìn 6:14

Mbɔ̧ɔ̧mà li njù̧ù̧me a Yesò, mè ngu nɨ mètàŋ mi e yu̧u̧me awa mɨ̧̂.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

2 Kɔlìn 11:2

Bɨ̀ ko nê, mâ lâ mbɔ èntɨ̧ɨ̧ ane yɨ̧ mbɨ̀Ꞌɨ̀ Mbɔ̧ɔ̧mà bɔ la. Mâ nɨ awɨ̧ mbɨ̀Ꞌɨ̀ waàvi angɔ̧̀ kà ko mbâ̧, e ghɨ̌ bɨa yɔꞋɔ wuê mbâ̧ yemɔ̀Ꞌ. Ŋut wu Yesò Klistò à.

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.

Kɔ̀losìà 1:22

Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

Lûk 21:36

Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.