2 Kɔlìn 4:10 - Mundani

¹⁰ ngà àdzìꞋ àgème mbɨ̀Ꞌɨ̀ bòt bɔ ŋa ètsə bɔb epfə mbɨꞋɨ̀ Yesò la, bàa ngɨ̀a anè mbɨ̀Ꞌɨ̀ bɔɔ ye ndɨ Yesò Klistò li ngua ntsèka la ane mbɨ̧te ènyit ta la.

2 Kɔlìn 4:10 Referans Kwoze

Lûm 6:5

Baa tsiꞋi àghɨ yeamɔꞋ nè tò, mpfəè mbɨꞋɨ̀ tà li mpfə la, ko baa li mě yu̧u̧me wuê mbɨ̀Ꞌɨ̀ Yesò li njù̧ù̧me la.

2 Tɔ̀màtià 2:11

Èngà̧ waa wu èngǎ̧ nkûŋ: “È wu nê ba pfə nè tò, ko ba tò ba aa me tseke nɔ̂ mɨ̧̂.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

Lûm 6:8

Ka è wu nê ba li mpfə ne Yesò Klistò, ko baa ko nê baa li wu yû̧ nè tò.

2 Kɔlìn 13:4

Bɔ li mbàte ngù̧ù̧te atò a mbɨ̧̀ mbasa mbɨ̀Ꞌɨ̀ wòt tàa njùa la, ka tà wu yû̧ àfɨ̀Ꞌ yaa ane mètàŋ Mbɔ̧ɔ̧mà. Bàa bòt Yesò Klistò e gha ane àbâ ko me yu mbɨ̀Ꞌɨ̀ tà lè wu la, ka bɨ bɔ̂ ngu eye nê baa ntsèka ane mètàŋ Mbɔ̧ɔ̧mà wuê mbɨ̀Ꞌɨ̀ Yesò nàa ntsèka la, faꞋa a kètsìà wɨ̧.

2 Kɔlìn 1:5

Èlɨ bàa ndzea ngoꞋ kwàꞋ ànyaꞋne ane ànəa Yesò Klistò la, wu wuê èlɨ Yesò Klistò wu nàa ngɨ̀à Mbɔ̧ɔ̧mà zìà mèntɨ̧ɨ̧ ma la mɨ̧̂.

Lûm 8:36

A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Baa nùka èvə àli àgème ambo yè, bɔ nɨa awa wuê mbɨ̀Ꞌɨ̀ njɨ̀te bɔ̀ɔ bùŋè la.”

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

2 Kɔlìn 1:9

Ba li mbê mɨ̀ɨ̀tè nê àyaa ne àlia a kuêꞋ. Lə ngoꞋ yaa li ngu mbɨ̀Ꞌɨ̀ ba ko nê, ba bakà bɔ ndɨ bàa lɨ̀Ꞌà wa ane ya bàambɔŋ la, ba bɔ ndɨ bàa lɨ̀Ꞌà wa wuê ane Mbɔ̧ɔ̧mà wu tàa njù̧ù̧ma bòt bɔ pfəꞋte la.

Gàlashìà 6:17

Enɨ lìa, tsiꞋ è shu awɨ̧ nê, e bùꞋu àfɨ̀Ꞌ yaa me ghà ne mbì, wòt ka tsi ŋǎ am ngoꞋ, nkàà nê mâ bɔŋ èlȩê Yesò a mbɨ̧̀ yaã.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Ètsə 1:17

Mâ ye atò ale, mbê nchu mbɔ̀tè a mbì tò mbɨ̀Ꞌɨ̀ wòt tà pfə la. Ka tà nɔ̀ŋè àbualu̧ azi a ègwet laã nê, “Ka mbɔ̀â, E ngu MèmbùꞋu nè Mèndìa,

2 Kɔlìn 4:11

Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.

1 Pità 4:14

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.