2 Kɔlìn 13:3 - Mundani

³ Maa ghɨ̀ anè ndɨ̀ wu bɨ̀a nkɨ ye nê e ndàꞋà ane mètàŋ Yesò Klistò la. Tàa ngɨ̀ tà me ghɨ àghɨ a kètsìà wɨ̧, tà kà nyɨꞋte nê yea njùa, ka tàa ngɨ̀à èghɨ a kètsìà wɨ̧ ane mètàŋ mi.

2 Kɔlìn 13:3 Referans Kwoze

Matìù 10:20

È ntsě bɨ̀ambɔŋ nga me làꞋà la, wu Fo Tǎt wɨ̧ Mbɔ̧ɔ̧mà naa tsě ane yɨ̧ e làꞋà la.

2 Kɔlìn 12:12

E ndi ngua mbɔ̀ɔ̀la am faꞋa a kètsìà wɨ̧, Mbɔ̧ɔ̧mà mè nɨ èlȩê, nè mènəè ngɨŋa, nè tèwuute ènəê kà ye fɨ̀Ꞌ, nɨŋ nyɨ̀Ꞌte nê e ndâ ngu wantu̧ vi.

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

2 Kɔlìn 10:4

Èghɨ bàa nɨa nùà èbet wa la ntsě è bu bɔbȩ àa nɨa nùà èbet la. Ka wu èghɨ èbet bu e bɔ mètàŋ Mbɔ̧ɔ̧mà bàa nɨa ntsòkà èdziꞋi bɔmbù̧ Mbɔ̧ɔ̧mà àa ndò̧ò̧tà la.

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

2 Kɔlìn 2:6

NgoꞋ yaa àbəèꞋ àyɨ̧ nyaŋ a ghɨ̂ èwuu wòt waa ye la è kuêꞋ.

1 Kɔlìn 7:40

A batè ngu ale ka ndɨ màa ndzea la wu nê, naa wu ànəa ntsɔ̧̀ abua tò taa tseke ka yɔꞋ, mbɔ̂ mâ mɨɨtè nê, Fo Mbɔ̧ɔ̧mà naa ane yaã.

2 Kɔlìn 9:8

Mbɔ̧ɔ̧mà bɔ mètàŋ eŋa awɨ̧ àghɨ àgème bɨ̀a nkɨ̀ŋkà la, mbɨ̀Ꞌɨ̀ bɨa me bɔ nyaŋ nɨa bùà nɨa ngɨ̀à àfàꞋa ntsɔ̧̀ àgème.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.