2 Kɔlìn 12:15 - Mundani

¹⁵ Aa me bɔ̀ am eŋa àghɨ àgème fɔɔle àtsə am ane ànəa yɨ̧. Tè e ngu ekɔ̀ŋkè àwɨ̧ te tsě àdziꞋ anè, ko bɨa nkɔ̀ŋkè am mpîꞋ?

2 Kɔlìn 12:15 Referans Kwoze

1 Tèsàlonikà 2:8

Ba li ngua nkɔ̀ŋkà àwɨ̧ nyaŋ tè bà ka wua nkɨ etsɔ̀tè wuê ndàꞋ Ntu̧ Ntsɔ̧̀ yu è dzəè abua Mbɔ̧ɔ̧mà la abua yɨ̧. Ba li ŋà àwa nènkèm abua yɨ̧, nkàà nê bɨ li ndâ ngu a mèntɨ̧ɨ̧ ma.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

2 Kɔlìn 1:6

Ba me ye ngoꞋ ko naa me zì mèntɨ̧ɨ̧ mɨ̧, mèntsèke mɨ̧ nè Mbɔ̧ɔ̧mà mè ngu ntsɔ̧̀. Bɔ mè ndzìà mèntɨ̧ɨ̧ ma ko aa wu nê bɔ zi mɨ̧ mɨ̧̂, mbɨ̀Ꞌɨ̀ aa tɨŋe awɨ̧ bɨa kuule mèntɨ̧ɨ̧ ekìi ngoꞋtsə mbɨ̀Ꞌɨ̀ bàa nkìa la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

2 Kɔlìn 2:3

E ndi ngua shɨa àkata ngaa a èlɨ mbɔŋ mbɨ̀Ꞌɨ̀ è ngɨa è nkɨ̀Ꞌɨ̂, bɨ̀a wu bɨ wuê è ghɨ̌ èntɨ̧ɨ̧ am aa me bɔ̀ la è ka ghɨ̂ èntɨ̧ɨ̧ am aa me ghò̧ò̧ne. Mâ lâ nko nê èntɨ̧ɨ̧ am e me bɔ̌ ko èntɨ̧ɨ̧ wɨ̧ bɨ̀agème aa me bɔ̌ mɨ̧̂.

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

2 Kɔlìn 12:14

Eyaa wu ngò̧ tetat màa nkɨ mě kɨꞋɨ eye awɨ̧ la, ka è nkɨ̀Ꞌa kà wu me lɨ̀ŋke àwɨ̧ a ebàꞋa àghɨa ko, nkàà nê è nka kɨꞋa ebàꞋa èghɨ bɨ̧. E nkɨ̀Ꞌa etɨŋe awɨ̧. È ntsě bɔtechɨɨle bɔ̀ɔ fèta èghɨ nɔŋa abua bètǎt bɔb bɔ̂ bènyɨ̌ bɔb la. Wu bènyɨ̌ bɔ̂ bètǎt ka bɔ̀ɔ fèta èghɨ nɔŋa abua bɔ̧ bɔb la.

2 Kɔlìn 12:9

Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

2 Kɔlìn 1:14

te tsě ndɨ bɨ yaã nko la, mbɨ̀Ꞌɨ̀ Yesò Lefɨ̀Ꞌ ghɨa tà kɨꞋɨ, bɨ me ghàꞋtè àwɨ̧ ambo ya wuê mbɨ̀Ꞌɨ̀ bàambɔŋ àa me ghàꞋtè àwa ambo yɨ̧ la.

2 Kɔlìn 7:3

È nka laꞋa anè shua nê bɨ bakà kùꞋ. Mâ yaŋe shu nê baa ndâ nkɔ̀ŋkà àwɨ̧, tè è màà ngu wuê èvə, è ka sabte awa ba nɨ̧̀ ba.

Gàlashìà 4:10

Bɨ làà èlibȩ ko me ku̧u̧te bùà, mè nku̧u̧ta mèŋu kǒ bɔ̂ èfɨ̀Ꞌ ko, nè mèngùꞋebȩ.

Lûm 9:3

Ndɔ̀ Mbɔ̧ɔ̧mà ghɨ ale nɔ̀ŋke a ègwet laã, tè ntsì am ane Yesò Klistò mbɨ̀Ꞌɨ̀ e ghɨ̌ bɔnyɨ bɔ̧ bu, è wu bòt àndà̧ bɔ̧ la aa peme, ko a bakà bɨ am.

2 Kɔlìn 7:2

Bɨ̀ ghaꞋa mèntɨ̧ɨ̧ mɨ̧ nɨ̀ awa. Wòt kǒ ba fâ̧ ànəê abua tò la ntsè, ba ka tsokè wòt, bà kà me fìble wòt.

2 Kɔlìn 11:11

Tè e ntsèka kà wua nɨa àghɨ abua yɨ̧ anè ngu shua nê maà kà kɔ̀ŋkè àwɨ̧? ChaꞋ a ntsě ale! Mbɔ̧ɔ̧mà ko nê maà nkɔ̀ŋkà àwɨ̧.

2 Kɔlìn 4:12

Ale, èvə aa ntsèka nəèꞋa abà àya àfɨ̀Ꞌ àgème, è me wu ayɨ̧, è wu mèmpème kàlìà.