2 Kɔlìn 11:29 - Mundani

²⁹ Wòt nàa me yu ane mènəè Mbɔ̧ɔ̧mà, è nka wu ntsɔ̧̀ wuê mbɨ̀Ꞌɨ̀ e ntsiꞋi tòà. Wòt nàa ngɨ̀à wekǒ ghɨ a kàbɔ̀ŋ, e ntsiꞋi a èbem ngoꞋ.

2 Kɔlìn 11:29 Referans Kwoze

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.

Gàlashìà 6:2

Bɨ̀ me ŋeꞋe ètoole bɔnyɨ bɨ̧ nɨ̀a nyɨ̀Ꞌta nê bɨa ngɨ̀à mbɨ̀Ꞌɨ̀ mbɨ̧ Yesò Klistò shu la.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

2 Kɔlìn 13:9

Ba màà me yu ka bɨ bɔ̂ me kweele ane alu̧ Mbɔ̧ɔ̧mà, ko ànəa ngaa aa me bɔ̀ àwa. Ale, baà ntsàꞋta Mbɔ̧ɔ̧mà nê tà ghɨa bɨ̀ paa nkwèèle.

1 Kɔlìn 15:36

Ye èkèghɨ̧̀ ko! Àa nyɔ̀Ꞌà kèmbèm àghɨ a si, kè baka tu kèmbèm fu kea fǐ, kè ka tsə.

1 Kɔlìn 12:26

ÀdziꞋa mbɨ̧̀ ènyit yeamɔꞋ a me ye ngoꞋ, ko wu èdziꞋi mbɨ̧̀ ènyit ègème ndzea ngoꞋ la, bɔ mè me kuke àdziꞋa mbɨ̧̀ ènyit yeamɔꞋ, ko èdziꞋi mbɨ̧̀ ènyit ègème aa fɔte wùꞋtè àwɔb.

1 Kɔlìn 11:22

Eyaa wu kǎ èwuu ànəê à? Bɨ bakà bɔ lobtsə me jɨa nua a èbèm? Bɨ ghɨ̀ na me waa chɔsì Mbɔ̧ɔ̧mà tè ntsìꞋa ngɨ̀à bòt kà bɔ ayɔb e bɔ àtsəa kɔꞋɔ à? È ngu ane shu abua yɨ̧ nê ghà à? Tè betsiꞋa e ngùꞋtè àwɨ̧ ane àghɨ yaa bɨ ghɨ̀ la à? ChaꞋ, è nka ghɨ̀ ale a.

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

Lûm 12:15

Bɨ̀ me wùꞋtè àwɨ̧ nè bòt bu bɔ̀ɔ ngùꞋtà àwɔb la, mè ndɨ̀à nè bu bɔ̀ɔ ndɨ̀à la.

Jɔ̌n 2:17

ÀfɨꞋa mbɔŋ bɔkatè tò e ku̧u̧te nê, èngǎ̧ Mbɔ̧ɔ̧mà e laꞋnê “Èkɔŋ wu mâ bɔ ane lob yê la aa nɨ àtsə am.”

Matìù 11:6

Ntsɔ̧̀ wu wòt wu tàa ka màkè àghɨa è ngu yùà la.”

1 Kɔlìn 8:9

Ka bɨ̀ me ko awɨ̧ mbɨ̀Ꞌɨ̀ bɨ bela ngɨ̀à, ngɨ̀ bòt bɔ̀ɔ njùa la e fà̧ ànəê a mbì Mbɔ̧ɔ̧mà.