2 Kɔlìn 11:26 - Mundani

²⁶ Ane bèlèghȩ̀ȩ̀nè nyaŋ, e ndɨ ngua ndzea ngoꞋ a èbem mèdzî è lu̧u̧ la, ndzě ngoꞋ abua bètsɔŋ, mè ndzě ngoꞋ a tèkitebu bòt àlaꞋ bɔ̧. Mâ ye ngoꞋ a tèkitebu bòt kà wu Bèjuê, ndzě ngoꞋ a èbem èpfəè nɨ̧, ndzě ngoꞋ a èbem èlaꞋ yuube. Mâ ye ngoꞋ fɔɔle a èbem *mèdzî mè ndzě ngoꞋ a tèkitebu bòt bɔ̀ɔ fɨ̀ta shua nê bɔ wu bòt Yesò Klistò la.

2 Kɔlìn 11:26 Referans Kwoze

ÀfaꞋa 14:5

Bɔ lɔ̀Ꞌɔ àfɨꞋa mbɔŋ, Bèjuê bɔ̂ bɔɔjuŋ ayɔɔ yɔb nè bòt kà wu Bèjuê e làŋkè nê bɔ̀ ghɨ̧̀ɨ̧̀nè bɔntu̧ Yesò bu ntèmte awɔb ane àti.

ÀfaꞋa 25:3

tà tɨŋe awɔb ntsaa a Pɔ̂l tà kɨꞋɨ a Jèlusalèm. Bɔɔ̀ ngɨ̀à ale, mbɔ̂ ntàŋkê ndɨ bɔ̀ɔ taãaã atò alu̧ ebùŋè la.

ÀfaꞋa 20:19

E ndi ngua ngɨ̀à àfàꞋ am mbɨ̀Ꞌɨ̀ wɔ̀fàꞋ Mbɔ̧ɔ̧mà àfɨ̀Ꞌ àko nè mèsi, kà wua ŋèꞋa tèkwȩ taã a ègwet. È ghɨ̀ è wu àfɨ̀Ꞌ àko, Bèjuê ko e taꞋa ŋa ngoꞋ abua am, e mbɔ̂ me ghɨ̌ àfàꞋ yu nga wuê nè mbì.

ÀfaꞋa 17:5

Ànəa mbɔŋ a lɔ̀ke a ghòꞋnà a èbem Bèjuê ko, tè bɔ fete bayo̧o̧te bòt ko a balu̧, bɔ̂ tò ba e ghɨ̀ àbɨꞋta ndzɔ̀ŋ ko. ÀbɨꞋta ndzɔ̀ŋ yu a lɔ̀kè ngoꞋ àpfəè və tè mbəꞋ fɔ̀ɔ̀le àpfəèa Jasɔ̀n, nê bɔ kɨa Pɔ̂l ba bɔ̂ Sȩlàs etsàà àwɔb àbȩ bòt aa ghɔɔ awɔb.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

2 Kɔlìn 11:32

È li ngu àfɨꞋa è ngu a Dàmaskɔ̀s la, gɔvanɔ̀ wu tà li ngu a ètene fɔ̧̀ Àletàs la tsite bòt a mètsəêkaã yu bɔ kut ndzì àpfəa nɨ̧ yu a èbèm la nê bɔ̀ baãaã am.

1 Kɔlìn 15:32

E ndi ngɨ̀ ale ngua ndzea mènəè wuê ndɨ wɔ̀bȩ̂ nàa ndzea la, ko àbȩ̀ am e me nû nyaãtebàꞋ a Efesɔ̀s wû ghàà? È wu nê bòt aa kà pfə njù̧ù̧mê, ko “Bɨ̀ tsiꞋ bà me jɨa nua ngùꞋtà wa nkàà nê, naa me wu a tetsɔꞋ baa pfəꞋte.”

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

ÀfaꞋa 23:10

Àŋȩte yu a ghɨ̀ ale, mè nkwèèle, tè tǎt banyà̧ wu tsiꞋa mbɔ̀ɔ mbɨ̀Ꞌɨ̀ bòt bu e saãaãte a Pɔ̂l. Ale, tà tsàà bèshujà bi bu nê, bɔ̀ chu ngà a kètsìà bòt bu faa a Pɔ̂l nɨŋ ngà nɔŋe a èbem lob kèkweelè yɔb yu.

ÀfaꞋa 19:23

Eyaa li ngu àfɨ̀Ꞌ yu ngoꞋ kèkweelè li ndzə a Efesɔ̀s nkàà ànəa Alu̧ Yesò wu la.

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 15:40

Pɔ̂l bɔ̂ nɨ a Sȩlàs, bɔnyɨ ba bu e zì àwɔb a tèkitebu Mbɔ̧ɔ̧mà, bɔ bɔ̂ sà abot.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 20:3

ntsèke èŋu yetat. È tsiꞋ àfɨꞋa tàa ntàŋka eghǎ a Silìà la, tà ye nê Bèjuê aà ntà̧aã ebùŋè àvi. Ale, tà tsiꞋi ekua akwèn ngà ntsè nè Màsèdonìà.

ÀfaꞋa 27:42

Mbɨ̀Ꞌɨ̀ èghɨ bàa aà ngɨ̀à la, bèshujà bu e laŋkè nê bɔɔ bùŋe bòt tèfȩ bu bàgème, mbɨ̀Ꞌɨ̀ wòt kǒ ane yɔb yɔꞋ nga aguŋ ndùùlà.

Lûm 8:35

Wòt wu tàa ghɨ̌ Yesò Klistò naa baka tsi nkɔ̀ŋkè àwa la wu wàà? Wu ngoꞋ, kò ngɨ̧̀ɨ̧̀nè, kò mànkɨa àtsəa wòt enɨ, kò èchɨɨ, kò màntseka ka ye ndǐ ekwaãaã, kò màntseka nùka èvə, kò nyi bɔ̀ɔ nɨ bùŋe wòt la à?

1 Kɔlìn 15:30

A wu ale ko lə yu ba yea ngoꞋ àfɨ̀Ꞌ àgème la wu ghà à?