2 Kɔlìn 10:5 - Mundani

⁵ Baa nɨa nkèla mènkwàꞋte kàbɔ̀ŋ ègème, nè àghɨ àgème bòt àa mɨ̀ɨ̀tà nê bɔ ko nyaŋ, a kela wɔb a mànkoa a Mbɔ̧ɔ̧mà la. Mbà̧aã mènkwàꞋte ègème mbɨ̀Ꞌɨ̀ ghɨ̌ bòt bu nè èwuu mènkwàꞋte mbɔŋ la aa me zəa Yesò Klistò.

2 Kɔlìn 10:5 Referans Kwoze

Ebùlù 4:12

Èngǎ̧ Mbɔ̧ɔ̧mà e wu èyu̧ mè mbɔ̀ mètàŋ. E tɔɔ te ntsè nyi èbà bebe. Aà sɔ̀ɔ̀bà tè ngà ndzə àdziꞋa àlɨ̀ŋka wɔ̀bȩ̂ nè fo tò à wu abot la, mè sɔ̀ɔ̀bà tè ngà ngu a èbem èkwȩ bɔ̂ mbɔ̀ɔ̀latsə. Aa ngɨ̀à Mbɔ̧ɔ̧mà ko àghɨa wòt nàa mɨ̀ɨ̀tà la nè àyea tàa nkɨ e ghɨ̀ la.

Lûm 7:23

Ka e mbɔ̂ me ye mbɨ̧ ko tsa a mbɨ̧̀ yaã nàa nùà nê è ka ngɨ̀ àghɨa mbɨ̧ yu èntɨ̧ɨ̧ am la nàa nkɔ̀ŋkà e ghɨ̀ la. Mbɨ̧ mbɔŋ a mbɨ̧̀ yaã la è ghɨ̌ e ntsiꞋi àbùꞋ abua kàbɔ̀ŋ wu ane yaã la.

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

1 Kɔlìn 3:19

Nkàà nê, àghɨa bòt ngɔ̀ŋ àa ntɔ nê wu èyì la, Mbɔ̧ɔ̧mà nàà nɨa nê wu àghɨ̧̀ɨ̧̀nè. Àkata Mbɔ̧ɔ̧mà a laꞋnê, “Mbɔ̧ɔ̧mà nàà nɨa bèyuŋ bòt èyì nɨa ntà̧aã awɔb.”

1 Kɔlìn 1:19

Àkata Mbɔ̧ɔ̧mà a laꞋnê “Maa bukle ètsə bòt èyì, ntsòkè ètsə bòt bɔ ko nyaŋ la.”

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

2 Tèsàlonikà 2:8

Wu àfɨꞋa mbɔŋ ka wòt wu tàa ka bê nkɨ ezə ànəa Mbɔ̧ɔ̧mà la nàa pùùlà la. Ka Yesò Lefɨ̀Ꞌ naa me ghɨ̀ tê nkɨ̀Ꞌɨ̂ ane ènɨ̧ vi mbê foo atò, ngɨ̀ àyea tò a mì.

Lûk 1:51

Tà nyààbe àbu mètàŋ àzi èsàŋè bòt bu bɔ̀ɔ ŋèꞋa tèkwȩ tɔb la, nè mènəè bɔ taŋke a mèntɨ̧ɨ̧ mɔb la.

2 Tèsàlonikà 2:4

Taa kɨꞋɨ etu̧u̧ àghɨ àgème bòt àa ngùꞋtà nê wu mbɔ̧ɔ̧mà la, e me ŋeꞋe avi a ègwet shua nê ye tse bùà ègème. Taa ghǎ fɔɔle a èbem lob nɨ̧ Mbɔ̧ɔ̧mà, e tseke a èbem e me shu bòt nê zìambɔŋ ka ye wu Mbɔ̧ɔ̧mà la.

2 Kɔlìn 9:13

ÀfàꞋ yaa bɨ̀a ghɨ̀ la aa ghɨ̌ bòt aa me wùꞋte a Mbɔ̧ɔ̧mà, nkàà nê bɔ ye nê bɨa ngɨ̀à àghɨa Ntu̧ Ntsɔ̧̀ Yesò Klistò yu bɨ̀a shua nê bɨ bɨ̧ɨ̧ne la, è laꞋ nê bɨ̀ me ghɨ̀ la. Bɔɔ mě me wùꞋte a Mbɔ̧ɔ̧mà nê, bɨ ŋa abua yɔb mè ŋǎ abua bòt ko tsa bàgème kà kuꞋte àbu.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

2 Kɔlìn 11:20

Wòt nàa ngɨ̀ tà kɨꞋɨ bɨ sàŋ tà nɨ̀ àwɨ̧ mbɨ̀Ꞌɨ̀ èbùꞋ, me fible awɨ̧ nɨa èghɨ bɨ̧, ntsèka a ègwet lɨ̧, mè ntsò̧ò̧tà wɨ̧.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.