2 Kɔlìn 10:10 - Mundani

¹⁰ Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

2 Kɔlìn 10:10 Referans Kwoze

1 Kɔlìn 1:17

Yesò Klistò li tà kà wua ntsàà am nê è me zǐ bòt a èdzî, tà li ngua ntsàà am nê è nkɨꞋɨ me tsɔ̀te Ntu̧ Ntsɔ̧̀. È nka me làꞋa ane ndɨ bòt àa nɨa èyě bɔbȩ ndàꞋà la à, mbɨ̀Ꞌɨ̀ ka bɔ̀ ka tsi ndzè mètàŋ mu ane èvə Yesò Klistò a mbɨ̧̀ mbasa la.

2 Kɔlìn 11:6

È màà ngu wuê nê maa kà ko ndàꞋ, ko àghɨa ko bɔ ko tê ntsè am la a ntsě. Mâ ghɨ̂ bɨ ko àyaa a ngo̧ a ngò̧ ane àghɨ àgème mâ ghɨ̀ la.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

2 Kɔlìn 10:9

E ntsea nkɨ e ghɨ̌ bɨa me mɨ̀ɨ̀te nê e ngua fàŋà wɨ̧ ane èghɨ mâ shɨ a èbem èkatè bɔ̧ la.

2 Kɔlìn 10:11

Bòt bu ndàꞋà anè la bɔ bɔ ndɨ bɔ̀ɔ ko nê àghɨa bàa ndaꞋa a èbem èkatè àfɨꞋa bà wu a endɨ̌ la, bele wuê àghɨa bàa ngɨ̀à àfɨꞋa ba kɨꞋɨ tê ntsìꞋi a si ba nɨ̧̀ ba la.

2 Kɔlìn 11:21

Eyaa wu ndɨ bɨ̀a ndzèa la, bɨ nɨŋ nê ma fâ̧ nkàà nê ba li bà ka bɔ mèntɨ̧ɨ̧ kèkweele e ghɨ̀ èwuu èghɨ mbɔŋ. Ka àghɨ a wuê betsiꞋa wòt me ghàꞋtè àvi adù̧ la ko maa ghàꞋtà am adù̧ mɨ̧̂. E ngua ndàꞋà anè mbɨ̀Ꞌɨ̀ àkèghɨ̧̀.

2 Kɔlìn 13:3

Maa ghɨ̀ anè ndɨ̀ wu bɨ̀a nkɨ ye nê e ndàꞋà ane mètàŋ Yesò Klistò la. Tàa ngɨ̀ tà me ghɨ àghɨ a kètsìà wɨ̧, tà kà nyɨꞋte nê yea njùa, ka tàa ngɨ̀à èghɨ a kètsìà wɨ̧ ane mètàŋ mi.