2 Kɔlìn 1:7 - Mundani

⁷ Ntɨ̀ ya ane yɨ̧ nàà nkwèèlâ. Ba koê nê bɨ yea ngoꞋ mbɨ̀Ꞌɨ̀ ba li ndze la, ko Mbɔ̧ɔ̧mà naa zì mèntɨ̧ɨ̧ mɨ̧ wuê mbɨ̀Ꞌɨ̀ tà zǐ ma la.

2 Kɔlìn 1:7 Referans Kwoze

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

2 Kɔlìn 7:9

Mbɨ̀Ꞌɨ̀ àa la, maà ngùꞋtà am àfɨ̀Ꞌ yaa, ka è nka wua ngùꞋtà nê e ndi sɔ̀ɔ̀bè mèntɨ̧ɨ̧ mɨ̧. E ngùꞋtà nê mèntɨ̧ɨ̧ mɨ̧ mbɔŋ li mbɨ ale ngɨ̀ bɨ kubte mènəè mɨ̧. Àbu a Mbɔ̧ɔ̧mà a li ngu ane mèntɨ̧ɨ̧ mɨ̧ mu è bɨɨ la, mbɨ̀Ꞌɨ̀ àa ale la, baa li bà ka zi fɨŋ a èntɨ̧ɨ̧ wòt kǒ.

2 Kɔlìn 1:14

te tsě ndɨ bɨ yaã nko la, mbɨ̀Ꞌɨ̀ Yesò Lefɨ̀Ꞌ ghɨa tà kɨꞋɨ, bɨ me ghàꞋtè àwɨ̧ ambo ya wuê mbɨ̀Ꞌɨ̀ bàambɔŋ àa me ghàꞋtè àwa ambo yɨ̧ la.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

Matìù 23:30

Bɨ̀ me ghɨ̀ ale, bɨ me shu nê bɨ li ngɨ̀ ale ngu àlia bètǎt nyaꞋ bɨ̧ ko bɨ̀ le kaꞋa ghɨ mbɨ̀Ꞌɨ̀ bɔ̀ɔ̀ba èbùŋè bèndàꞋàtɔŋ Mbɔ̧ɔ̧mà.

2 Tɔ̀màtià 3:11

À ko ndɨ bɔ li ngua nkɨà àtsə am enɨ ane ànəa Yesò la, nè ngoꞋ e ndi ndzě a Antìɔ̀k, nè Ikoniòm, bɔ̂ Lislà la. Bɔ li ntaꞋa nyɔ̀Ꞌte a mànɨa àtsəa am, ka Tǎt wa ghɨ̀ e mpeme èvə ane mènəè ngaa ègème.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.