2 Kɔlìn 1:21 - Mundani

²¹ Wu Mbɔ̧ɔ̧mà ka tàa ngɨ̀à ba nɨ̧̀ ba e kweela ane mènəè tò ndɨ̀ wu bà tsiꞋi àghɨ yeamɔꞋ nè Yesò Klistò la. Wu tòà ka tà zì àwa ane bɔfàꞋ bi la.

2 Kɔlìn 1:21 Referans Kwoze

1 Jɔ̌n 2:27

È me wu awɨ̧ ko Yesò Klistò è zi Fo zi adù̧ yɨ̧ tè è tsiꞋi ane yɨ̧. Mbɨ̀Ꞌɨ̀ Fo tò wû ane yɨ̧ la, Wòt tsa bakà tsi mbɔ̌ ndɨ tàa mě nyɨꞋte awɨ̧ àghɨa ko la. Aa ale nkàà nê Fo tò yu nàà nyɨ̀Ꞌta awɨ̧ èghɨ ègème. Àghɨa Fo yu nàa nyɨ̀Ꞌta la wu nkûŋ, àfɨte a ntsě adù̧. È wu ale, bɨ̀ me zə àghɨa Fo yu nàa nyɨ̀Ꞌta la, mè ngu àghɨ yeamɔꞋ bɨ̂ Yesò Klistò ba.

1 Jɔ̌n 2:20

È me wu awɨ̧, ko ngule Waã Mbɔ̧ɔ̧mà zi Fo zi ane yɨ̧ tè ngɨ̀ wòt ègème ane yɨ̧ ko nkûŋ.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

2 Tèsàlonikà 3:3

Tǎt wa Yesò wu wòt betsiꞋa bɨ lɨ̀Ꞌà wɨ̧ ane tò la. Tàà ghɨ̌ mèntɨ̧ɨ̧ mɨ̧ na me kweele e mèe me baabe awɨ̧ abua Satàn wòt kàbɔ̀ŋ.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

2 Tèsàlonikà 2:8

Wu àfɨꞋa mbɔŋ ka wòt wu tàa ka bê nkɨ ezə ànəa Mbɔ̧ɔ̧mà la nàa pùùlà la. Ka Yesò Lefɨ̀Ꞌ naa me ghɨ̀ tê nkɨ̀Ꞌɨ̂ ane ènɨ̧ vi mbê foo atò, ngɨ̀ àyea tò a mì.

2 Kɔlìn 5:5

Wu Mbɔ̧ɔ̧mà ka tà taŋkè e ghɨ̀ àwa baa kubte anè la. Tà ŋa awa Fo zi enɨ nyɨꞋte nê baa li ebɔ àghɨ àgème ye kàꞋà wa la.

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.

Ètsə 1:6

Tà li ngɨ̀ àwa ane bòt lèfɔ̧̀ vi, nê ba wu bèntsìà mèpɨ̧̀ bɔ̀ɔ ngɨ̀à àfaꞋa Tǎt vi Mbɔ̧ɔ̧mà la. Maà shù̧ù̧ta nê mèngùꞋte nè mètàŋ è wu abua Yesò Klistò ane àlia nè àlia. Àmèn.

2 Tèsàlonikà 2:17

E tsàꞋtà nê tà ghɨa bɨ̀ bɔ èntɨ̧ɨ̧ kekweelè, mè ngɨ̀ ndɨ bɨ̀a me ko ntsèka àfɨ̀Ꞌ àgème ngɨ̀à mè ndàꞋà wuê mènəè nàa mbɔ̀ la.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

Kɔ̀losìà 2:7

Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

1 Kɔlìn 1:8

Taa ghɨ̌ èngǎ̧ waa aa shɨꞋɨ a mèntɨ̧ɨ̧ mɨ̧ te ghǎ e dzəâ ane àli yu tàa mě kɨꞋɨ la, tè wòt naa baka ye àghɨa tàa fèèlè àwɨ̧ adù̧ ane àlia ngaa la.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.