1 Pità 5:4 - Mundani

⁴ Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.

1 Pità 5:4 Referans Kwoze

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

1 Kɔlìn 9:25

Wòt ègème tàa ngɨ̀à àlùùlà la nàa ngɨ̀ tà me kuule èntɨ̧ɨ̧ vi ndàna. Bɔ̀ɔ ngɨ̀ bɔ wua ngɨ̀à ale mbɨ̀Ꞌɨ̀ bɔ àbȩ̀ kà wu tseke, ka è wu awa è wu àbȩ̀ àa wu ane àlia nè àlia la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

1 Pità 2:25

Bɨ li ndzaãaã ngua ndèma mbɨ̀Ꞌɨ̀ njɨ̀te tèa ngà tèbaꞋ tèbaꞋ la, ka nè àfɨ̀Ꞌ yaa bɨ kua akwèn tè nkɨ̀Ꞌɨ̂ abua mbaabà njɨ̀ wu è wu wòt tàa mbààba awɨ̧ la.

1 Pità 5:2

E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!

Jɔ̌n 10:11

“E ngu ngule mbaabà njɨ̀. Ngule mbaabà njɨ̀ nàà ŋǎ àtsəa zi ane njɨ̀te mbɔŋ.