1 Pità 4:3 - Mundani

³ Bɨ li ntaꞋa tsoke àfɨ̀Ꞌ a màngɨa èghɨ bu bòt kà ko a Mbɔ̧ɔ̧mà àa ngɨ̀à la. Bɨ li ngua njɨ̀a mèpǎ̧ màpaꞋta àbɨ̧, mpfəa akwen èghɨ bu mbɨ̧te ènyit tɨ̧ tèa nkɨà la, mbea mèlùꞋ, ngɨ̀à àghɨa àgème èntɨ̧ɨ̧ wɨ̧ àa nkɨà la, mè nɨa èghɨ tsa ane bèmbɔ̧ɔ̧mà bɨ̧, è wu kwàꞋ àbɨꞋte ànəê la.

1 Pità 4:3 Referans Kwoze

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

Efesɔ̀s 5:18

Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.

1 Tèsàlonikà 4:5

Ko mbɨ̀Ꞌɨ̀ wòt me ghɔ̀Ꞌɔ akwen bèzi mbɨ̀Ꞌɨ̀ mbɨ̧̀ ènyit tò nàa nkɨà la. Bòt kà ko a Mbɔ̧ɔ̧mà ka bɔ̀ɔ ngɨ̀à ale la.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Gàlashìà 5:19

Èghɨ mbɨ̧̀ ènyit nàa nkɨà la aà kà lò̧ò̧tè: MàmpaꞋta wòt kà bɨ tò eyɔꞋ, mèmɨ̀ɨ̀te kàbɔ̀ŋ, màngɨa kàbɔ̀ŋ,

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

1 Kɔlìn 12:2

Bɨ ko nê è li ngu àfɨꞋa kà bɨ̀ ko a Mbɔ̧ɔ̧mà, bɨ fà̧à̧tè èka bɨ̧ ane balu̧ nyaŋ, me kukte bèmbɔ̧ɔ̧mà bu bèa ka làꞋ la.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.