Bib sou entènèt

1 Pità 4:11 - Mundani

¹¹ ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

Gade chapit la Kopi

tounen moute ⬆

1 Pità 4:11
47 Referans Kwoze

1 Kɔlìn 10:31

Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la.

Efesɔ̀s 6:10

Enɨ lìa, bɨ̀ me kweele ndɨ̀ wu bɨ̀ tsiꞋi àghɨ yeamɔꞋ nè Tè Yesò la, mè tsiꞋ tà ŋa awɨ̧ mètàŋ kèkweelè mi.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.

ÀfaꞋa 7:38

Wu Musì mbɔŋ tà li ngu bɔ̂ bòt Izəèlȩê àfɨ̀Ꞌ yu bɔ li ngu ane ènɔ̧̂ àbâ àlaꞋ àyuube la. Tà li ngua abot və bɔ̂ bètǎt nyaꞋ ba, nè wantu̧ Mbɔ̧ɔ̧mà wu tà li ndàꞋà abua tò àfɨ̀Ꞌ yu tà li ngu a ègwet Èbȩ Sinȩ̀ la. Tà li ndzəâ ntu̧u̧te mèmpème kàlìà abua Mbɔ̧ɔ̧mà mbɨ̀Ꞌɨ̀ esǎ abua ya.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

Kɔ̀losìà 4:6

Bɨ̀ tsiꞋ mèngǎ̧ mɨ̧ wu me nàa mbɔ̀, bòt e mè me kɔ̀ŋke eyute la. Bɨ̀ me ghɨ̀ ale, mbɨ̀Ꞌɨ̀ me koa ntsɔꞋɔ èngǎ̧ waa waa ane ndɨ bɔ̀ɔ zə la.

1 Kɔlìn 12:4

Mèghàb Fo Kèfə nàa ŋǎ la nàà tsa tsa, è bɔ̂ ngu Fo mbɔŋ yemɔ̀Ꞌ ka nàa ŋǎ mùà ègème la.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

Ebùlù 5:12

Bɨ ghɨ̂ mbɔ̌ ndɨ nàa me wu àfɨ̀Ꞌ yaa bɨa tsiꞋi bènyɨꞋtà la, ka wòt kǒ bɔ ndɨ̀ tàa mèe enyɨꞋte awɨ̧ èghɨ leyu bu wòt bɔ ndɨ tàa bɨ̌ ko ane èngǎ̧ Mbɔ̧ɔ̧mà la. Bɨ bele mbɨ̀Ꞌɨ̀ bòt bɔ̀ɔ me nyɔŋe awɔb la, bɨ bakà zìꞋ nkùꞋ bòt bɔ̀ɔ me jɨ èghɨjɨ kekweelè la.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Kɔlìn 3:10

E ndi nɨ̌ èyì wu Mbɔ̧ɔ̧mà ŋa abua am la nɨŋ mbɔ̧̀ɔ̧̀ àtetsi mbɨ̀Ꞌɨ̀ wòt tà ko àfàꞋ la. Wòt tsa wua mbɔ̧̀ɔ̧ adù̧. Ka wòt naa me bɔ̧ɔ̧ adù̧, tà me ko avi ndɨ ye bɔ̧ɔ̧ la.

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

1 Pità 5:11

Wu tòà ka tà bɔ mètàŋ ègème ane àlia nè àlia la. Àmèn.

Jimsì 1:26

Wòt mɨ̀ɨ̀tè nê ye wu wòt Mbɔ̧ɔ̧mà, ka mbakà wua mbà̧aã èlɨ̧ li, tà ko nê ye fɨte avi zìambɔŋ, me tò nè mènkǒ Mbɔ̧ɔ̧mà wu àku.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Efesɔ̀s 5:20

Bɨ̀ me kɔ̀ŋka Tǎt wa Mbɔ̧ɔ̧mà àfɨ̀Ꞌ àgème ane àghɨ àgème a ghɨ̀ la ane èlen Yesò Klistò Lefɨ̀Ꞌ wa.

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

2 Kɔlìn 9:13

ÀfàꞋ yaa bɨ̀a ghɨ̀ la aa ghɨ̌ bòt aa me wùꞋte a Mbɔ̧ɔ̧mà, nkàà nê bɔ ye nê bɨa ngɨ̀à àghɨa Ntu̧ Ntsɔ̧̀ Yesò Klistò yu bɨ̀a shua nê bɨ bɨ̧ɨ̧ne la, è laꞋ nê bɨ̀ me ghɨ̀ la. Bɔɔ mě me wùꞋte a Mbɔ̧ɔ̧mà nê, bɨ ŋa abua yɔb mè ŋǎ abua bòt ko tsa bàgème kà kuꞋte àbu.

Lûm 16:27

Wu ndàꞋà Mbɔ̧ɔ̧mà tà bɔ èyì la. MèngùꞋte wu abua tò ane àlia nè àlia, nkàà àghɨa Yesò Klistò li ngɨ̀ la! Àmèn.

Jɔ̌n 13:31

ÀfɨꞋa Judàs gha àbȩ la, Yesò nê, “Bòt aa ye ènɨ̧ Waã Wòt àfɨ̀Ꞌ yaa, e mě eye ènɨ̧ Mbɔ̧ɔ̧mà ane tò.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

Efesɔ̀s 1:19

Mè nè èlɨ mètàŋ kèkweelè Mbɔ̧ɔ̧mà mu nàa ntɨ̀ŋa wa wu ba zì mèntɨ̧ɨ̧ ma ane Yesò la. Mètàŋ maa Mbɔ̧ɔ̧mà nàa nɨa ntɨ̀ŋa wa la, wu wuê mètàŋ mbɔŋ tà li nɨŋ

1 Tèsàlonikà 2:4

Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

Tȩtɔ̀s 2:1

È me wu awê, ko mâ laꞋnê, me nyɨꞋte bòt wuê mènəè mu è wù mènəè Mbɔ̧ɔ̧mà mu è wû nkûŋ la.

Tȩtɔ̀s 2:15

NyɨꞋte mènəè maa abua bòt. Nɨ nkȩ yê me zì mèntɨ̧ɨ̧ bòt mè nyɨꞋte bòt mènəè bɔ fà̧à̧tè la. Ko mbɨ̀Ꞌɨ̀ à sàŋ wòt kǒ tà me waa awê.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 4:16

Ka wòt me ye ngoꞋ nkàà nê tà wu Klɨtèn, tà ka mbɔ̀ àtsəa kɔꞋɔ, tà ŋa wuê mèngùꞋte abua Mbɔ̧ɔ̧mà nê bɔɔ ntɔ avi ane wòt Yesò Klistò.

Swiv nou:

Lyen patwone

Piblisite

Piblisite