Bib sou entènèt

1 Pità 3:4 - Mundani

⁴ Bɨ̀ tsiꞋ è wu mèntɨ̧ɨ̧ mɨ̧ ka nàa ndâ nyɨ̀Ꞌta nê bɨa mbɔ̀ la. Bɨ̀ me bɔɔle ènyit, mè njùa ane mènəè mɨ̧. Eyaa wu kèbɔ̂ŋ fu kèa ka lɔ̀Ꞌ mbɨ mè me bɔ̌ a Mbɔ̧ɔ̧mà la.

Gade chapit la Kopi

tounen moute ⬆

1 Pità 3:4
40 Referans Kwoze

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Matìù 11:29

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Matìù 23:26

Bɨ̀a Bèfalèsiì, bɨ lâ ngu bòt àghɨ àleme! Bɨ̀ bɨa shùù tèbemte ndɔŋ tɨ̧ nè tèbemte bapfəèꞋ bɨ̧ ko kwèntsə teà nga me fəəte mɨ̧̂.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

1 Tèsàlonikà 4:11

Waa waa ane yɨ̧ nyɔꞋta me nyaꞋa ntsèke avi bò̧ bò̧, tà ka me ŋeꞋe avi nchɨ̧̀a a èbem mènəè bòt tsa. Bɨ̀ me nɨ èbu bɨ̧ fàꞋà nkɨà ètsəèjɨ wɨ̧ mbɨꞋɨ̀ ba li ndzaŋe shu awɨ̧ la.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

1 Pità 3:15

Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

Lûk 11:40

Ye èkèghɨ̧̀ ko. Ka wu Mbɔ̧ɔ̧mà wu tà bɔ̧ɔ̧ àbȩ la tà bɔ̧ɔ̧ èbèm mɨ̧̂ la à?

Jimsì 1:21

È wu ale, bɨ waꞋa èbɨꞋte ènəê ègème nè mpàb yu è ghe a kètsìà wɨ̧ la, ŋɔ̀Ꞌne a si mbɨ̧̀ɨ̧̀ne èngǎ̧ Mbɔ̧ɔ̧mà wu tà liꞋi a mèntɨ̧ɨ̧ mɨ̧ e bɔ mètàŋ e ghɨ̌ bɨa peme la.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

2 Tèsàlonikà 3:12

Ba wua shua mè ŋwèèlà bòt baa ane àtɔŋ yu Yesò Klistò Lefɨ̀Ꞌ ŋa abua ya la nê, bɔ bɔɔle awɔb me fàꞋa mbɨ̀Ꞌɨ̀ ebɔ ètsəèjɨ wɔb.

Matìù 5:5

Ntsɔ̧̀ wu bèmbɔɔla bòt, bɔɔ li bɔ àghɨa Mbɔ̧ɔ̧mà kàꞋ àwɔb la.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

1 Pità 1:23

Èngǎ̧ Mbɔ̧ɔ̧mà wu àa ŋǎ mèmpème, mè ngu ane àlia nè àlia la, e ghɨ̂ bɔ bi awɨ̧ a membǐ fi. Bɨa nè ntsìꞋi bɔ̧ Mbɔ̧ɔ̧mà wu tà wu ane àlia nè àlia kà wu epfə la.

Kɔ̀losìà 3:3

Bɨ li mpfəèꞋte mèntsèke mbì mu è lìà, tè mèntsèke mɨ̧ tsiꞋi a tèkitebu Yesò Klistò mbɨ̀Ꞌɨ̀ Mbɔ̧ɔ̧mà nɔ̀ŋè la.

Gàlashìà 5:23

nè màshuke awê a si, ndɔ̀Ꞌ nè màmbaãaã ènyit yê. Wòt ghɨà èghɨ bàa, ko tà bakà bəꞋ mbɨ̧.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

Matìù 21:5

Bɨ̀ shu bòt Zayɔ̀n nê “Bɨ̀ ye; Fɔ̧̀ wɨ̧ nàà nkɨ̀Ꞌa abua yɨ̧, Tà nɨa vi a si tè ntsèke nè ègwet jàkâ. Wu waã anyà̧ nàa ŋèꞋa àbòꞋà la.”

Lûm 1:23

Bɔ sà ènɨ̧ Mbɔ̧ɔ̧mà wu tà wu ane àlia nè àlia la, ntsiꞋi me kukte wuê èghɨ bɔ̀ ghɨ̀ e efəə wɔ̀bȩ̂ nè banyaãbàꞋ, mèè nè banyà̧ bèa ntsèka e a èbem mèleb mè ntsèka aguŋ la.

Swiv nou:

Lyen patwone

Piblisite

Piblisite