1 Pità 3:16 - Mundani

¹⁶ Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 3:16 Referans Kwoze

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

Ebùlù 13:18

Bɨ̀ me tsàꞋte a Mbɔ̧ɔ̧mà àtsəa ya. Mèntɨ̧ɨ̧ ma nàà kà feele awa nê ba fâ̧ ànəê. Ba nkɨa e ghɨ̀ àghɨa a kùꞋù la àfɨ̀Ꞌ àgème.

1 Pità 2:15

Àghɨa Mbɔ̧ɔ̧mà nàa nkɨà la wu nê bɨ̀ nɨ mènəè ntsɔ̧̀ mu bɨ̀a ngɨ̀a la nɨŋ ndììme mètsəê èkèghɨ̧̀ bòt bu kà ko ànəê la.

Tȩtɔ̀s 2:8

LàꞋà wuê mèngǎ̧ ntsɔ̧̀ ane ndɨ betsiꞋa wòt kà koê ndaꞋa kàbɔ̀ŋ adù̧ la, mbɨ̀Ꞌɨ̀ ètsə bɔmbù̧ bê aa kɔꞋɔ ndɨ̀ wu bɔ̀ baka ye ànəa kàbɔ̀ŋ elàꞋa adù̧ ya la.

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

1 Pità 2:19

Aa ale nkàà nê Mbɔ̧ɔ̧mà naa lɔ̀ɔ̀le bòt bu bɔ ghǎ ambo ndɨ bɔ̀ɔ nkɨ e ghɨ̀ àghɨa tàa nkɨà la, ndzě ngoꞋ kà wu yɔb la.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

1 Pità 4:4

A taꞋa tsě bòt ngaa kà ko a Mbɔ̧ɔ̧mà la ndɨ̀ wu bɨ̀a ka tsi nkùŋè àwɔb a màngɨa èwuu èbɨꞋte ènəê kèkweelè baa la, ale bɔ tsiꞋi me tsɔ̧̀ɔ̧̀tè àwɨ̧ tsɔ̧̀ɔ̧̀te.