1 Pità 3:11 - Mundani

¹¹ Ŋut wu bɔ ndɨ tàa lùùla kàbɔ̀ŋ etsiꞋi me ghɨa ntsɔ̧̀ la; tà me kɨ àlàŋkè mè ngɨ̀à ayùà.

1 Pità 3:11 Referans Kwoze

Matìù 5:9

Ntsɔ̧̀ wu bòt bɔ̀ɔ nkɨà àlàŋkè la, Mbɔ̧ɔ̧mà naa li tɔ awɔb ane bɔ̧ bi.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Kɔ̀losìà 3:15

Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Lûm 12:18

Bɨ̀ ghɨ̌ àghɨa àgème betsiꞋa bɨ ko ngɨ̀ la ndze nê bɨa ntsèka ane àlàŋkè nè waa waa.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.

Jimsì 4:17

Wòt koa ànəa ntsɔ̧̀ tà wu ghɨ̀ la, mbakà ghɨ̀ yùà, tà ko nê ye ghɨa kàbɔ̀ŋ.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Lûm 8:6

Wòt me mɨ̀ɨ̀tè wuê ànəa èghɨ mbɨ̧̀ ènyit nàa nkɨà la, ko tàa pfə. È we tàa mɨ̀ɨ̀tà ànəa èghɨ bu Fo Mbɔ̧ɔ̧mà nàa nkɨà la, naa bɔ mèmpème nè àlàŋkà èntɨ̧ɨ̧.

Lûm 7:21

Ale, mâ ye nê a tsiꞋi wuê mbɨ̀Ꞌɨ̀ wu mbɨ̧ nàa mbà̧aã am la, nê màa ngɨ̀ è me kɨ ghɨa ntsɔ̧̀, è wu wuê kàbɔ̀ŋ ka nkɔ̀Ꞌa a mbì la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Jɔ̌n 17:15

È nka shu̧u̧ta wê nê, tsì àwɔb a èbem ngɔ̀ŋ yaa, e shu̧u̧tà wuê nê baabe awɔb mbɨ̀Ꞌɨ̀ bɔ kwene a tèkitebu Satàn Wòt Kàbɔ̀ŋ.

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Matìù 5:45

Bɨ̀ ghɨ̀ ale, mbɨ̀Ꞌɨ̀ ewu bɔ̧ tǎt wɨ̧ a ègwet. Tàà ngɨ̀à nyèm tea a ègwet bòt kàbɔ̀ŋ nè èbe ntsɔ̧̀, mè ntsàà mbɨ̀ŋ è lua a ègwet bòt mènəè ntsɔ̧̀ nè bòt mènəè kàbɔ̀ŋ.

Lûm 7:19

Maà kà ghɨa ntsɔ̧̀ wu màa nkɔ̀ŋkà e ghɨ̀ la, mbɔ̂ me ghɨ̀ wu a kàbɔ̀ŋ wu màa ka kɔ̀ŋke e ghɨ̀ la.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Lûk 6:9

Yesò shu abua yɔb nê, “TsiꞋ è mbììte awɨ̧, mbɨ̧ ta te laꞋnê bà me ghɨ̀ na ane àliapfəè yaa? Nê bà ghɨ̀à kàbɔ̀ŋ, kò ntsɔ̧̀ à?” Nê, bà bə wòt kò ba bùŋe leè?

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Ntu̧ Ntsɔ̧̀ MAK 14:7

Bòt ntseb e taꞋa wu a ngɔ̀ŋ ŋaa, è wu ale, bɨ me kɨ etɨŋe awɔb wuê àfɨꞋa ŋa leꞋ, bɨ̀ ka buŋ. È me wu am, ko betsiꞋa e nka teꞋa banɨ̧̀ ba.

1 Pità 3:12

Aa ale nkàà nê Mbɔ̧ɔ̧mà nàà ndzea bòt bu bɔ tɨ̧ɨ̧ ndɨŋndɨ̀ŋ a mbì li la, mè ndzəa ànəa bɔ̀ɔ ntsàꞋta atò shua la. Ka è wu bòt bu bɔ̀ɔ ngɨa kàbɔ̀ŋ la, Mbɔ̧ɔ̧mà kà wu nè nɔ̀b.”