Bib sou entènèt

1 Pità 2:1 - Mundani

¹ Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

Gade chapit la Kopi

tounen moute ⬆

1 Pità 2:1
50 Referans Kwoze

Efesɔ̀s 4:31

Bɨ̀ ka mbèà bòt a mèntɨ̧ɨ̧ mɨ̧, bɨ̀ ka me bɔ èntɨ̧ɨ̧ nendu̧ nè ntsootsə, bɨ̀ ka ntsi me ŋȩte bòt, bɨ̀ ka ntsi me làꞋa kàbɔ̀ŋ ane bòt, bɨ̀ waꞋa mèmɨ̀ɨ̀te kàbɔ̀ŋ ègème.

Jimsì 1:21

È wu ale, bɨ waꞋa èbɨꞋte ènəê ègème nè mpàb yu è ghe a kètsìà wɨ̧ la, ŋɔ̀Ꞌne a si mbɨ̧̀ɨ̧̀ne èngǎ̧ Mbɔ̧ɔ̧mà wu tà liꞋi a mèntɨ̧ɨ̧ mɨ̧ e bɔ mètàŋ e ghɨ̌ bɨa peme la.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

1 Pità 3:10

Aà mbɨ̀Ꞌɨ̀ Àkata Mbɔ̧ɔ̧mà a shu la, nê, “Wòt tàa nkɨà nê ye wu etseke ntsɔ̧̀ e mèe bɔ èli ntsɔ̧̀ la, ka tsi ndàꞋà mènəè kàbɔ̀ŋ, tà ka tsi ndàꞋà mèfà̧ mɨ̧̂.

1 Pità 4:4

A taꞋa tsě bòt ngaa kà ko a Mbɔ̧ɔ̧mà la ndɨ̀ wu bɨ̀a ka tsi nkùŋè àwɔb a màngɨa èwuu èbɨꞋte ènəê kèkweelè baa la, ale bɔ tsiꞋi me tsɔ̧̀ɔ̧̀tè àwɨ̧ tsɔ̧̀ɔ̧̀te.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

Jimsì 5:9

Bɔnyɨ bɔ̧, bɨ̀ ka me lèmtè bɔnyɨ bɨ̧ mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ kwen. Tòà wu tàa sàꞋa la, è kɨꞋɨ tê ntsìꞋi a ètsələèꞋ.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Pità 2:22

Tà li tà kà ghɨa kàbɔ̀ŋ, èngǎ̧ fɨte è ka li mè dzəa ètsəê tò.

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Lûk 6:42

À ghɨ̀ na me shu abua wanyɨ wè nê tà tsiꞋ yè tsì kèsaabe àyɨt fu a èghɨ tò la, nè ndɨ à bɔ taꞋà mpɨ̀ŋ a lê nè èghɨ la à? Àwɔ̀ wu àa shua nê ye wu àghɨa kà wu yùà la, bɨa ntsì mpɨ̀ŋ yu a èghɨ lê la mbɨ̀Ꞌɨ̀ e ko ye èdziꞋ ntsɔ̧̀ etsì alaate àyɨt yu a èghɨ wanyɨ wè la.

Matìù 23:28

Wu wuê a èlɨ mbɔŋ bɨ̀a ngɨ̀ bɨ ghɨ̂ bòt e me ye awɨ̧ àbȩ nê bɨ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà, ka mèntɨ̧ɨ̧ mɨ̧ bɔ̂ ndù̧ ne kàbɔ̀ŋ, bɨ̀ ka meè ngu àghɨa bɨ̀a shua nê bɨ wu yùà la.

Matìù 7:5

Yàa nè nè; Àwɔ̀ wu àa shua nê ye wu àghɨa kà wu yùà la, bɨa ntsì mpɨ̀ŋ yu a èghɨ lê la ka mbɨ̀Ꞌɨ̀ eko eye alààte kèsab fu a èghɨ wanyɨ wè la etsǐ.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

Ètsə 14:5

Bɔ bakà li me làꞋà mèfà̧, àghɨa à ka meè ngu betsiꞋa wòt fèèlè àwɔb adù̧ la.

1 Pità 2:16

Bɨ̀ me tseke mbɨꞋɨ̀ bòt Yesò yàà àwɔb la, ka bɨ̀ ka nɨ̀ àyea ngaa mbɨ̀Ꞌɨ̀ alu̧ a màngɨa kàbɔ̀ŋ. Bɨ̀ tsiꞋi ŋa awɨ̧ abua Mbɔ̧ɔ̧mà mbɨ̀Ꞌɨ̀ èbùꞋ tò.

Jimsì 4:5

Kò bɨ mɨɨtè nê Àkata Mbɔ̧ɔ̧mà a làꞋà mèfà̧ à? A laꞋ nê “Fo yu Mbɔ̧ɔ̧mà zi a mèntɨ̧ɨ̧ ma la nàà kà bê nkɨ laꞋ nê àghɨa ko tsa à nyi a mèntɨ̧ɨ̧ ma.”

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

1 Tèsàlonikà 2:3

Ba li me nyɔ̀Ꞌta nkɨà bòt aa bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà ale, mèfà̧ kà wu adù̧, bà ka bɔ mèmɨ̀ɨ̀te kàbɔ̀ŋ, bà ka mê ngua fìbla wòt kǒ.

1 Kɔlìn 5:8

Bɨ̀ ghɨa bà jɨ èpǎ̧ wu, ka bà ka njɨ̀ ne bled wu è bɔ a yis nyǎꞋ, yis mbɔŋ wu mèmɨ̀ɨ̀te kàbɔ̀ŋ nè èbɨꞋte ènəê la. Bà jɨ wuê nè bled kà ye a yis adù̧, è wu èntɨ̧ɨ̧ kèfə nè màndaꞋa nkûŋ la.

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

Lûk 11:44

“Aa li bɨa awɨ̧, nkàà nê bɨ wu mbɨ̀Ꞌɨ̀ ètsəsì ka ye àlȩê, bòt àa ntɔ̀Ꞌtà kà ko laꞋ nê bɔ tɔ̀Ꞌtà àghɨa kàbɔ̀ŋ la.”

Lûk 12:1

Mbɨ̀Ꞌɨ̀ ènɔ̧̂ bòt e yaãaã tê bòt e tsiꞋa ntɔ̀Ꞌtà beko la, Yesò bɨ̀ shu abua bɔkatè bi nê, “Bɨ̀ me ko awɨ̧ ane yis Bèfalèsiì, è wù àghɨa kà wu yùà la.

Ntu̧ Ntsɔ̧̀ MAK 12:15

Ka Yesò tuꞋa yuŋ wɔb ntsɔ̀Ꞌɔ èngǎ̧ wu nê, “Bɨ ghɨ̀ na ka me taãaãte am à? Bɨ̀ nyɨꞋte am àkwȩkab è ndze.”

Matìù 24:51

Mbɔ̂ ngu saãaãte atò màꞋa a si, e tsàà atò àdziꞋa bòt bu bɔ̀ɔ shua nê bɔ wu àghɨa kà wu yùà la, è wu la, àdziꞋa bɔ̀ɔ me dɨ̀a nkwèla àsɔŋ yɔb la.

Matìù 15:7

KwàꞋ bɨ̀a wàà bɨ̀a shua nê bɨ wu àghɨa kà wu yùà la! Àsayà li ndàꞋà nkûŋ zi ane yɨ̧ àfɨꞋa tà li nê Mbɔ̧ɔ̧mà laꞋnê:

Swiv nou:

Lyen patwone

Piblisite

Piblisite