1 Pità 1:7 - Mundani

⁷ NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

1 Pità 1:7 Referans Kwoze

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

1 Pità 4:12

Bèshu̧ bɔ̧, bɨ̀ ka nɨ ngoꞋte kekweelè tu ndzèa awɨ̧, nkɨ enyìꞋì àwɨ̧ la, mbɨ̀Ꞌɨ̀ ànəa fi ako.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

1 Kɔlìn 3:13

Àghɨa àfaꞋa waa waa à wu yùà la aa li pùùla ayaã ane àli yu Yesò Klistò kɨꞋɨ saꞋa ngɔ̀ŋ la. Èwet aa li ghɨ̀ bɔ yè àfaꞋa waa waa, nkàà nê taa li nɨ èwet e yute àfaꞋa wòt ègème.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.

1 Pità 2:4

Bɨ̀ kɨꞋɨ abua tò. Tà wu èti lu bòt e li ngwaꞋ, Mbɔ̧ɔ̧mà bɔ̂ ndàà lùà nɨ ane ele ntsɔ̧̀ la. Ale, tà wu èti è wu ele yu̧ la.

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 2:10

Bɨ̀ ka mbɔ̀â nkàà ngoꞋ tu bɨ̀a ye tùà la. Bɨ̀ ye, Satàn nàà zǐ àbəèꞋ àyɨ̧ a tèfȩ, mbɨ̀Ꞌɨ̀ bɔɔ nyɔ̀Ꞌta awɨ̧ e ye ndɨ bɨ zì mèntɨ̧ɨ̧ mɨ̧ ane Yesò la. Bɨ gha ye ngoꞋ mbɔŋ wuê ane èli èghem. Bɨ̀ tsiꞋ mèntɨ̧ɨ̧ mɨ̧ ane yaã me kweele, ka è màà ngu wuê èvə. Bɨ ghɨ̀ ale, ko bɨa bɔ àbȩ̀, è wu mèmpème kàlìà la.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

ÀfaꞋa 8:20

Pità bɨ̀ɨ̀lè nê, “Tè bɨ èkab wê wu è lem, ndɨ̀ wu à kwaꞋtè nê betsiꞋa bɔ yu̧ mètàŋ Mbɔ̧ɔ̧mà ane èkab la.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Lûk 12:33

Bɨ̀ fɨ̧̀ɨ̧̀ne èghɨ bɨ̧ ègème, ngàbtè èkab abua bòt mbuŋ. Bɨ̀ kɨ ntaꞋte kà wu lène, mpàŋe èghɨ èkab bɨ̧ a èbèm, nɔ̀ŋè a ègwet, è wù àdziꞋa kà èghɨ mbɔŋ e wu li lɔ̀Ꞌɔ emǐ, tsɔŋ ka wu li elɔ̀Ꞌɔ etsě a ngèt, èsoꞋo è ka meè ngu lɔ̀Ꞌɔ àlia ekwele la.

Matìù 25:23

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la maa tsia wê àtsəa èghɨ nyaŋ. Nyi a lob ba nè efɔte ngùꞋtè àwa.’

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

1 Pità 2:7

Tà wu ngule wòt abua yɨ̧ wu bɨ zi èntɨ̧ɨ̧ wɨ̧ ane tò la. È me wu bòt bu bɔ̀ baka zi èntɨ̧ɨ̧ wɔb ane tò la ko Àkata Mbɔ̧ɔ̧mà a làꞋa ànəa yɔb nê, “Èti lu bèmbɔ̧ɔ̧ lob e li ngwaꞋ la, e tsiꞋi ngule èti tɔ̀Ꞌà lob.”

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Lûk 17:30

“Eyaa wu ndɨ àa li wu àfɨꞋa Waã Wòt nàa li pùùla ayaã la.

Lûm 2:10

Ka Mbɔ̧ɔ̧mà bɔ̂ ngu wùꞋte, e kukte, e mě ŋa àlàŋkà èntɨ̧ɨ̧ abua waa waa tàa ngɨ̀a ntsɔ̧̀ la, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.