1 Tɔ̀màtià 6:11 - Mundani

¹¹ Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

1 Tɔ̀màtià 6:11 Referans Kwoze

2 Tɔ̀màtià 2:22

Ko mbɨ̀Ꞌɨ̀ à zì àbu ayê a èbem èghɨ kàbɔ̀ŋ bu bɔkèsà àa nkɔ̀ŋkà a màngɨa la. Me ghɨ̀ wuê àghɨa Mbɔ̧ɔ̧mà nàa nkɨà la, ndzìà èntɨ̧ɨ̧ wê ane Yesò, nkɔ̀ŋkà bòt mè ntsèka ane àlàŋkè bɨ bòt bɔ̀ɔ ntsàꞋta Mbɔ̧ɔ̧mà nè èntɨ̧ɨ̧ kèfə, nê tà tɨŋe awɔb la.

2 Tɔ̀màtià 3:17

Mbɔ̧ɔ̧mà li ngɨ̀à anè mbɨ̀Ꞌɨ̀ wɔ̀fàꞋ tò naa la ekùꞋu e mě eko a màngɨa èwuu èfaꞋ ntsɔ̧̀ ègème.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

1 Kɔlìn 10:14

È wu ale, bèshu̧ bɔ̧, bɨ̀ ka mbê me kukte bènàmbəa.

1 Pità 3:11

Ŋut wu bɔ ndɨ tàa lùùla kàbɔ̀ŋ etsiꞋi me ghɨa ntsɔ̧̀ la; tà me kɨ àlàŋkè mè ngɨ̀à ayùà.

1 Kɔlìn 6:18

Wòt ka njɨ̀ àbȩ. Kàbɔ̀ŋ ègème wòt nàa ngɨ̀à la nàà kà baãaãte mbɨ̧̀ ènyit wòt, ka mànjɨa àbȩ nàà tsòkà mbɨ̧̀ ènyit wòt.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Kɔlìn 14:1

Bɨ̀ ghɨa èkɔŋ e wua àghɨa mbì abua yɨ̧, mè ndâ me kɨ èghɨ Fo Mbɔ̧ɔ̧mà nàa ŋǎ la. Ane èghɨ mbɔŋ, màndaꞋa ane àtɔŋ Mbɔ̧ɔ̧mà à wu mbì.

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

2 Tɔ̀màtià 2:21

È wu ale, wòt me kɨ ewu mbɨ̀Ꞌɨ̀ bapfəèꞋ bu bɔ̀ɔ mbà̧à̧ta wuê àfɨꞋa ngule ànəê a saꞋa la, tà yòò èntɨ̧ɨ̧ vi ane mènəè kàbɔ̀ŋ mi ègème, ko Mbɔ̧ɔ̧mà naa enɨ atò enɨ fàꞋà ngule efàꞋ ebi. Mbɔ̧ɔ̧mà naa ghɨ̌ ale nkàà nê ŋut tsiꞋi wòt èntɨ̧ɨ̧ kèfə, mè nkùꞋ abua tǎt vi a màngɨa àfaꞋa ntsɔ̧̀ àgème.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.