1 Tɔ̀màtià 4:10 - Mundani

¹⁰ Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

1 Tɔ̀màtià 4:10 Referans Kwoze

1 Tɔ̀màtià 2:4

tà mè me kɔ̀ŋkè nê, bòt bàgème è pem nko èngǎ̧ tò wu è wû nkûŋ la.

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Ebùlù 13:13

Ale, bɨ̀ ghɨa bà dzə a èbem àpfəè nga àbȩ nkwene ane tò, mbɔ̀ àtsəa kɔꞋɔ, mbɨ̀Ꞌɨ̀ tà li mbɔŋ la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

Matìù 27:43

Tà li ndzì èntɨ̧ɨ̧ vi ane Mbɔ̧ɔ̧mà mè nê ye wu waã tò. Bà ye nê Mbɔ̧ɔ̧mà naa kɨꞋɨ etɨŋe atò àfɨ̀Ꞌ yaa leꞋ.”

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

2 Kɔlìn 1:10

Tà li fàà àwa abua ngoꞋ èvə, mè ngu efàà àwa. Ba lâ nko nê taa mě efàà àwa.

1 Tɔ̀màtià 2:3

Àyaa aà mbɔ̀ a Mbɔ̧ɔ̧mà wu tà wu Mpemnà wa la,