1 Tɔ̀màtià 3:3 - Mundani

³ Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

1 Tɔ̀màtià 3:3 Referans Kwoze

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Efesɔ̀s 5:18

Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

Jimsì 4:1

Àghɨ yu àa ngɨ̀à bɨ nùà mèbet mè ndzɔ̀à a kètsìà wɨ̧ la wu ghà à? Ka wu mèmɨ̀ɨ̀te kàbɔ̀ŋ mu nàa ŋǎ wɨ̧ ngoꞋ a èbem mèntɨ̧ɨ̧ mɨ̧ la à?

1 Pità 5:2

E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.

Ebùlù 13:5

Bɨ̀ ka ndzì èntɨ̧ɨ̧ wɨ̧ nyaŋ ane ànəa èkab. Àghɨa wòt bɔ la à kùꞋa abua tò, nkàà nê, Mbɔ̧ɔ̧mà zìambɔŋ laꞋnê, “È nka waꞋa awɨ̧ a, è nka wu elèènè àwɨ̧.”

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

ÀfaꞋa 20:33

E mbakà ghòꞋnè àghɨa wòt, ka wuê silbà, kò goêl, kò ndǐ wòt leꞋ.

Matìù 21:13

Tà ghɨ̀ ale, shu abua yɔb nê “Àkate a Mbɔ̧ɔ̧mà a laꞋ ne, ‘Lob yaã wu lob bɔ̀ɔ me tsàꞋtè am a èbèm la’, ka bɨ nɨŋ ngɨ̀ è tsìꞋi àdziꞋa bètsɔŋ aa nkɨ̀Ꞌa ndɔ̧̀ɔ̧̀tà la.”

2 Tɔ̀màtià 3:2

Naa li ngu ane èli mbɔŋ, waa waa tsiꞋa kɔ̀ŋkà wuê avi zìambɔŋ, nkwàꞋtà wuê ànəa mèkab mɔb, ngù̧a nkùꞋ tɔb mè ŋèꞋa tèkwȩ tɔb a ègwet. Naa li ngu ane èli mbɔŋ, bòt e tsiꞋa ntsɔ̧̀ɔ̧̀tà beko, ngɨ̀à àtsə àkekweelè abua bètǎt bɔb, bɔ̀ ka tsi ngùa nkuŋà Mbɔ̧ɔ̧mà, wòt ghɨa ntsɔ̧̀ abua wòt tà kà lem ntsi nkɔ̀ŋkè atò.