1 Tɔ̀màtià 3:16 - Mundani

¹⁶ Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 3:16 Referans Kwoze

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ntu̧ Ntsɔ̧̀ MAK 16:19

Mbɨ̀Ꞌɨ̀ Yesò Lefɨ̀Ꞌ è paa a màndaꞋa abua yɔb la, Mbɔ̧ɔ̧mà bê nɨ̀a tò ngà a ègwet tà tseke àbâ àbualu̧ a tò.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Lûk 24:4

Bɔ tɨ̧ɨ̧ abot ànəê à tsè àwɔb ane àghɨa a ghɨ̀ la, bòt ko babe e bê saꞋ a ngèt yɔb, nkwà̧aã ndìte ko tèa nkàꞋtâ mbɨ̀Ꞌɨ̀ àtaãnyèm la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

1 Jɔ̌n 1:2

Èngǎ̧ mèmpème waa e li mpuula ayaã, ba ye wùà. Ba wu anè ndàꞋà ànəa ba ye mè ndzə la, mè ngua shua wɨ̧ ànəa mèmpème kàlìà mu è li mbɨ̀ ngu bɔ̂ Tǎt wa Mbɔ̧ɔ̧mà ka tà tùꞋù abua ya la.

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

Lûk 22:43

[Wantu̧ Mbɔ̧ɔ̧mà kǒ chu a ègwet ndzì èntɨ̧ɨ̧ tò.

Matìù 3:16

Mbɨ̀Ꞌɨ̀ bɔ zìa Yesò a èdzî la, tà bê dzə a èbem èdzî. KwàꞋ àfɨꞋa mbɔŋ, ègwet e ghaꞋà tà ye Fo Mbɔ̧ɔ̧mà nchùa mbɨ̀Ꞌɨ̀ baba, nchu ngu adù̧ to.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

1 Tɔ̀màtià 3:9

Bɔ bɔ̂ ndɨ bɔ̀ɔ wu bòt bɔ neetè mbà̧aã èngà̧ wu Mbɔ̧ɔ̧mà è nyɨꞋte abua ya ka ba ko atò la, nè èntɨ̧ɨ̧ kà wua fèèlè àwɔb la.

Jɔ̌n 20:12

me ko ndzè bɔntu̧ Mbɔ̧ɔ̧mà babe bɔ kwaã ndìte kèfə ntsèke adzìꞋ yu àpfəꞋte Yesò aa wu la. WemɔꞋ tseke àdziꞋa àtsəa Yesò aa wu la, nè wekǒ àdziꞋa èka tò aa wu la.

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.

1 Pità 1:20

Mbɔ̧ɔ̧mà li me laꞋnê yea ngɨ̀à ngɔ̀ŋ, ndaa Yesò mbɨ̀Ꞌɨ̀ wòt tàa li kɨꞋɨ e ghɨ̌ bɨa bɔ mèmpème la. Tà li ngua nkɨ̀Ꞌa mbɨ̀Ꞌɨ̀ e ghɨ̌ bɨa bɔ mèmpème àfɨ̀Ꞌ yaa ngɔ̀ŋ tsiꞋa ndìà lìa la.

Ebùlù 7:7

È ntse ànəa ko bɔ̀ɔ mèe me màkè la, nê wòt tàa faãaãta bòt la è tsě wòt wu bɔ fà̧à̧te atò la.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

Lûm 10:18

Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

Gàlashìà 2:8

Mbɔ̧ɔ̧mà li ngɨ̀ e ntsiꞋi wantu̧ tò a màndaꞋa èngǎ̧ tò abua bòt kà wu Bèjuê, wuê mbɨ̀Ꞌɨ̀ tà li ngɨ̀ Pità tsìꞋi wantu̧ tò a màndaꞋa èngǎ̧ tò abua Bèjuê la.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

ÀfaꞋa 10:34

Pità bùꞋ me làꞋà nê, “Maà ndzèa àfɨ̀Ꞌ yaa nê, wu nkûŋ nê Mbɔ̧ɔ̧mà nàà mbà̧à̧tâ wòt ègème kà lȩ èsi.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Lûk 24:51

Mbɨ̀Ꞌɨ̀ tàa fà̧à̧te awɔb la, tà bê ŋèꞋe avi a si me kɔꞋɔ nga ègwet.

Ètsə 17:7

Ka wantu̧ Mbɔ̧ɔ̧mà wu biite am nê, “Ànəa mbɔŋ a ghɨ̀ na ka me tsè àwê à? Maa shu àwê lə ànəê ndò̧ ane àvi wu, nè nyà̧mɔ̀Ꞌ yu è ŋeꞋe atò mbɔ̀ ètsə besà̧à̧mbe nè ndɔŋtsə èghem la.

Ètsə 17:5

Bɔ shɨ èlen a èsi tò e bɔ lə ndò̧ la nê, “TaꞋà àpfəèà nɨ̧ a Babilɔ̀n, nyɨ̌ bèghȩ̀ȩ̀nè ghȩȩne, nè èbɨꞋte èghɨ ègème àa ngɔ̀ŋ la.”

Ebùlù 8:1

Ngule ànəê yu ba shua ane èngà̧ waa la wu nê, ba bɔ àtsəa bèntsìà mèpɨ̧̀ Mbɔ̧ɔ̧mà mbɨ̀Ꞌɨ̀ è waa tà tseke a ègwet àtɨ̧a kèfɔ̧̀ a ègwet àbâ àbualu̧ a Mbɔ̧ɔ̧mà àtsəa ngɔ̀ŋ la.

2 Tèsàlonikà 2:7

Bòt nyaŋ bɔ̀ɔ ka bê nkɨ ezə mènəè Mbɔ̧ɔ̧mà la e yaŋe ewu àbȩ tè ndɔ̀Ꞌ, ka ndàꞋ àghɨa àa ghɨ baa ko ayea mbɔŋ la, wu àghɨa Mbɔ̧ɔ̧mà ghɨ baa ko la. Ka betsiꞋa àghɨa e ndi nê aa ghɨ la à ka ghɨ tè Mbɔ̧ɔ̧mà ghɨ̀ ntsì wòt wu nkèla èlu̧ nê èghɨ ngaa ègème è ka ngɨ̀ la.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

ÀfaꞋa 1:19

Bòt bɔ li ngua ntsèke a Jèlusalèm la e li ndzə ànəa ngaa bɔ̀ɔgème, ntsiꞋi me tɔ àdziꞋa ngaa nê “Àkeldamà”, ngua shua ane ndɨ̧ yɔb nê “ÈbaꞋ Àlo̧.”)

Jɔ̌n 17:5

È wu ale a Tè, ghɨa àfɨ̀Ꞌ yaa è mbɔ ènɨ̧ wu a ngèt yê, è wù ènɨ̧ wu e ndi mbɔŋ ka ngɔ̀ŋ naa li ewu la.

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

Jɔ̌n 6:62

Tè bɨ me wu ale ndzè Waã Wòt nkɔ̀Ꞌa nga a ègwet àdziꞋa tà li ngu la ko bɨa tsiꞋi ghɨ̀ naà?

Lûk 2:32

Taa ale nguê mbɨ̀Ꞌɨ̀ èkaꞋà àa nyɨꞋte alu̧ wê abua bòt kà wu Bèjuê la. Taa li ghɨ̌ bòt aa kɨꞋɨ ekukte bòt bê bu, è wu bòt Izəèlȩê la.”

Ntu̧ Ntsɔ̧̀ MAK 16:5

Ale, bɔ nyi a èbèm ndze wakèsà kǒ tà kwaã ndǐ kèfə ntsèke àbâ àbualu̧ la, ntàꞋa bɔa.

Ntu̧ Ntsɔ̧̀ MAK 1:13

ntsèke abàꞋ və èli èghem yekwì, Satàn me taãaãte atò. BanyaãbàꞋ e li ngu abot, bɔntu̧ Mbɔ̧ɔ̧mà e taŋka tò.

Matìù 28:2

KwàꞋ àfɨꞋa mbɔŋ sitsǎꞋ nyìꞋnè ànyaꞋne. Wantu̧ Mbɔ̧ɔ̧mà chu a ègwet mpàà èti lu, mbɔ̂ ntsèke a ègwet.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 4:11

AfɨꞋa mbɔŋ, Satàn sa atò, bɔntu̧ Mbɔ̧ɔ̧mà e kɨꞋɨ̀, me taŋke atò.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

Lûm 10:12

Bèjuê nè bòt kà wu Bèjuê e wu àghɨ yeamɔꞋ a mbì Mbɔ̧ɔ̧mà, ndɨ̀ wu tà wu Tǎt bòt bàgème, mè me lâ ndɔ̀ɔ̀là bòt bu bàgème bɔ̀ɔ ntɔ atò la.

Lûm 3:4

A ntsě ale. Bòt bàgème e màà ngu wuê bòt mèfà̧, ko Mbɔ̧ɔ̧mà naa tɨ̧ɨ̧ wuê ane èngǎ̧ vi, mbɨ̀Ꞌɨ̀ bɔ shɨ a èbem Àkata tò la nê, “Àa ngɨ̀ à laꞋa, bòt è zə bɔ nê ànəa à laꞋà la wu nkûŋ, bɔ̀ mee bɔ̀ bàŋè mènəè mê, bɔ̀ ka bê ndze àlɔꞋ adù̧.”

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

Lûk 20:44

Fɔ̧̀ Dàbid wu tɔ atò ane tǎt vi, tà ghɨ̀ na ka ntsiꞋi wòt àndǎ̧ Dàbid à?”