Bib sou entènèt

Paj dakèy
Bib sou entènèt
1 Tɔ̀màtià 2:4

1 Tɔ̀màtià 2:4 - Mundani

⁴ tà mè me kɔ̀ŋkè nê, bòt bàgème è pem nko èngǎ̧ tò wu è wû nkûŋ la.

Gade chapit la Kopi

tounen moute ⬆

1 Tɔ̀màtià 2:4
32 Referans Kwoze

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Ètsə 14:6

ÀfɨꞋa mbɔŋ, e mèè ndze wantu̧ Mbɔ̧ɔ̧mà kǒ ndèa a ègwet la. Tà nɨ Ntu̧ Ntsɔ̧̀ kà wu elìa me nɨa nkɨ̀Ꞌa elàꞋa abua bòt bu bɔ̀ɔ ntsèka a sitsǎꞋ la, bòt èlaꞋ ègème, nè èndà̧ ègème, nè ndɨ̧ tègème, mè nè tèwuute bòt tègème.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

2 Tɔ̀màtià 3:7

Bɔɔ̀ ntsèka nkɨ̌ eko mènəè, ka bɔ̀ ka wu me pfə eko nkûŋ.

Lûk 14:23

“Tǎt wafàꞋ wu mè shu abua tò nê, ‘Ghǎ a mèlu̧ mbȩtsə nè bɔbɔlu̧, ngɨ̀ bòt e kɨꞋɨ mbɨ̀Ꞌɨ̀ lob yaã naa lu̧.

Lûk 1:77

Aa gha shu abua bòt to nê, Mbɔ̧ɔ̧mà naa waꞋa a kàbɔ̀ŋ wɔb èghɨ bɔɔ peme,

Jɔ̌n 17:17

TsiꞋ èngǎ̧ wê wu è wu nkûŋ la è ghɨa awɔb bɔ̀ tsiꞋi mbɨ̀Ꞌɨ̀ àwɔ̀ nkûŋ nkûŋ.

Jɔ̌n 6:37

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Ebùlù 10:26

Ba ko nkûŋ tè ndɔ̀Ꞌ, mbɔ̂ mè me ghɨ̀ wuê a kàbɔ̀ŋ, ko àghɨa ko a te ntsě bɔ̀ɔ mèe kɨ̧ɨ̧me ane mènəè kàbɔ̀ŋ ma la.

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.

Swiv nou:

Lyen patwone

Piblisite

Piblisite