1 Tɔ̀màtià 1:7 - Mundani

⁷ Bɔɔ̀ nkɨ̀ ewu bènyɨꞋtà mbɨ̧te Mbɔ̧ɔ̧mà, ka bɔ̀ ka ko mèngà̧ mu bɔ nyɨꞋtà la, nè èghɨ bu bɔ̀ɔ ngù̧a nkùꞋ tɔb ndàꞋà la.

1 Tɔ̀màtià 1:7 Referans Kwoze

Lûm 1:22

Bɔ batè me tseka shua nê bɔ wu bòt èyì, ka mbɔ̂ ntsìꞋi èkèghɨ̧̀.

2 Pità 2:12

Ka bòt baa aa ndàꞋa kàbɔ̀ŋ ane mènəè bɔ̀ baka ko la. Bɔɔ mbɨ̀Ꞌɨ̀ nyaãtebàꞋ kà wua kwàꞋtà ànəê, bɔ bi awɔb wuê mbɨ̀Ꞌɨ̀ eliime la. Bɔ̀ɔ wàa aa li eleme wuê mbɨ̀Ꞌɨ̀ nyaãtebàꞋ tèa ndèma la.

1 Tɔ̀màtià 6:4

ŋut wua ŋèꞋa avi a ègwet, ntanda nê ye ko àghɨ ako ale, ka àghɨ à ka wu àtsə atò. ÀfàꞋ atò a kùꞋu ndɨ tàa me ghɨ̧̀ɨ̧̀na ndzɔ̀ mè nkàànà mèngà̧ la. Àyaa aà ndìꞋa ghòꞋnà, nè àyɔ̀ŋ, bɔ̂ tèntsɔ̧̀ɔ̧̀mètsə, mè ngɨ̀à bòt e mɨ̀ɨ̀tà kàbɔ̀ŋ adù̧ bɔnyɨ bɔb.

Gàlashìà 3:5

Tè bɨ ye nê Mbɔ̧ɔ̧mà li me ŋa Fo zi abua yɨ̧, e mèe ghɨ̀ tèwuute ènəê kà ye fɨ̀Ꞌ a kètsìà wɨ̧ ale, è wu ndɨ bɨ̀a ngɨ̀à àghɨa mbɨ̧tsə te kɨa la, kò wu ndɨ bɨ li ndzəâ èngǎ̧ Mbɔ̧ɔ̧mà ane ànəa Yesò mbɨ̧̀ɨ̧̀ne la à?

2 Tɔ̀màtià 3:7

Bɔɔ̀ ntsèka nkɨ̌ eko mènəè, ka bɔ̀ ka wu me pfə eko nkûŋ.

Gàlashìà 3:2

TsiꞋ e mbììte awɨ̧ ànəê yeamɔꞋ. Bɨ li me bɔ Fo Mbɔ̧ɔ̧mà ale ngu ndɨ bɨ̀a ngɨ̀à àghɨa mbɨ̧tsə te shu la kò wuê ndɨ̀ wu bɨ li ndzì mèntɨ̧ɨ̧ mɨ̧ ane Yesò la à?

Gàlashìà 4:21

Bɨ̀ tsiꞋ è mbiite awɨ̧ wu bɨ̀a nùà nkɨ ewu wuê a èten mbɨ̧tsə la, bɨà kà zə ànəa mbɨ̧te mbɔŋ te shuà la à?

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

Matìù 21:27

Ale, bɔ tsɔꞋɔ èngǎ̧ Yesò nê “ChaꞋ, baa bakà ko.” Tà shu abua yɔb nê “Ale betsiꞋa è nka shua wɨ̧ àdziꞋa mâ nɨ àtɔŋ ka me ghɨ̌ èghɨ bàa la.”

Lûk 2:46

Èlibȩ è tsè betat, ka bɔ ye atò a èbem lob nɨ̧ Mbɔ̧ɔ̧mà, a kètsìà bènyɨꞋtà Bèjuê tà tsekè me yute a lèmù wɔb mè mbììta awɔb mèngà̧ la.

Jimsì 3:1

Bɔnyɨ bɔ̧, ko mbɨ̀Ꞌɨ̀ waa waa ane yɨ̧ me kɨ ewu nyɨꞋtà nkàà nê, bɔɔ li saꞋa awa wu bà wu bènyɨꞋtà la te tsě ndɨ bɔ̀ɔ saꞋa bòt ko la.