1 Tɔ̀màtià 1:5 - Mundani

⁵ E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tɔ̀màtià 1:5 Referans Kwoze

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

2 Tɔ̀màtià 2:22

Ko mbɨ̀Ꞌɨ̀ à zì àbu ayê a èbem èghɨ kàbɔ̀ŋ bu bɔkèsà àa nkɔ̀ŋkà a màngɨa la. Me ghɨ̀ wuê àghɨa Mbɔ̧ɔ̧mà nàa nkɨà la, ndzìà èntɨ̧ɨ̧ wê ane Yesò, nkɔ̀ŋkà bòt mè ntsèka ane àlàŋkè bɨ bòt bɔ̀ɔ ntsàꞋta Mbɔ̧ɔ̧mà nè èntɨ̧ɨ̧ kèfə, nê tà tɨŋe awɔb la.

2 Tɔ̀màtià 1:5

Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

2 Pità 1:7

mbà̧à̧ta bɔnyɨ bɨ̧ nè èkɔŋ, mè me kɔ̀ŋkè bòt bàgème.

Lûm 10:4

Yesò Klistò li nkɨ̀Ꞌɨ̂ ale, àfaꞋa mbɨ̧ à ka tsi nguê, mbɨ̀Ꞌɨ̀ naa tsiꞋi wòt ègème tà zi èntɨ̧ɨ̧ vi ane Yesò Klistò la, ka Mbɔ̧ɔ̧mà nàa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Tȩtɔ̀s 1:15

Wòt bɔ èntɨ̧ɨ̧ kefə, ko àghɨ àgème aa me fəə àghɨ atò. Ka è wu bòt bu kà mèntɨ̧ɨ̧ mɔb wua fəèa, bɔ̀ ka meè mbɨ̧̀ɨ̧̀ne mènəè Mbɔ̧ɔ̧mà la, ko àghɨa ko àà fəə abua yɔb la a ntsě. Bɔɔ̀ ndzìa nkwàꞋtà wuê mènəè kàbɔ̀ŋ, tè bɔ̀ ka tsi ngua nkòa nê, àghɨa ko wu ntsɔ̧̀ kò kàbɔ̀ŋ leꞋ.

1 Tɔ̀màtià 3:9

Bɔ bɔ̂ ndɨ bɔ̀ɔ wu bòt bɔ neetè mbà̧aã èngà̧ wu Mbɔ̧ɔ̧mà è nyɨꞋte abua ya ka ba ko atò la, nè èntɨ̧ɨ̧ kà wua fèèlè àwɔb la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.

Lûm 14:15

Àghɨa àa njɨ̀a la a wu sɔ̀ɔ̀be èntɨ̧ɨ̧ wanyɨ wè, ko à kà tsi ngɨ̀à ane èkɔŋ. À ka ngɨ̀ àghɨa àa njɨ̀a la, a tsòkè wanyɨ wè wu Yesò Klistò li mpfə ambo tò la.

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

Matìù 12:35

Wòt ntsɔ̧̀ nàà nyɨ̀Ꞌta ntsɔ̧̀ vi ane èghɨ ntsɔ̧̀ bu a èntɨ̧ɨ̧ tò la, wòt kàbɔ̀ŋ me nyɨꞋta kàbɔ̀ŋ vi ane èghɨ kàbɔ̀ŋ bu a èntɨ̧ɨ̧ tò la.

Matìù 5:8

Ntsɔ̧̀ wu bòt mèntɨ̧ɨ̧ kèfə e mbì Mbɔ̧ɔ̧mà, bèŋût aa li ye a Mbɔ̧ɔ̧mà.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

Ebùlù 13:18

Bɨ̀ me tsàꞋte a Mbɔ̧ɔ̧mà àtsəa ya. Mèntɨ̧ɨ̧ ma nàà kà feele awa nê ba fâ̧ ànəê. Ba nkɨa e ghɨ̀ àghɨa a kùꞋù la àfɨ̀Ꞌ àgème.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

1 Tɔ̀màtià 1:18

Waã am Tɔ̀màtià, mâ zì mènəè maa ègème a tèkitebu tê. Me ku̧u̧te mènəè mu bɔ li ndzaŋe elàꞋa ane yê ane àtɔŋ Mbɔ̧ɔ̧mà la, nɨ̀ mènəè ngaa nɨŋ nù èbele Mbɔ̧ɔ̧mà adù̧.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.