1 Tɔ̀màtià 1:10 - Mundani

¹⁰ Mbɨ̧ taa te wu abua bòt bu bɔ̀ɔ nɔ̀ŋkà nè bèzi kà wu ebɔb la, nè mbâ̧ tu tèa mpàꞋta teko la. Mbɔ̧ɔ̧mà li ngɨ̀ mbɨ̧ taa abua bòt bu bɔ̀ɔ mbà̧aã bɔbȩ efɨ̧̀ɨ̧̀nà la. Mè ngɨ̀ abua bòt mèfà̧, nè bòt bu bɔ̀ɔ ndàꞋà mèfà̧ àtsəa bòt ko la, nè bòt bu bɔ̀ɔ ngɨ̀à mènəè kà kuꞋ ane èlɨ wu Mbɔ̧ɔ̧mà è nyɨꞋte awa nê bà me ghɨ̌ la.

1 Tɔ̀màtià 1:10 Referans Kwoze

2 Tɔ̀màtià 4:3

Ko nê àfɨ̀Ꞌ àko aa nkɨ̀Ꞌa kà bòt e wu tsi me yute bòt bu bɔ̀ɔ ndàꞋà mènəè nkûŋ la. Bɔɔ li egha ambo ndɨ bɔ̀ɔ nkɨa wuê àghɨa mèntɨ̧ɨ̧ mɔb nàa nkɨà la, etsiꞋi me nɨ wuê bènyɨꞋtà bu bɔ̀ɔ me shu awɔb èghɨ ètû̧ bɔb aa ntèa nkɨ ezə la, e bɔ̂ me kwèꞋnè àwɔb nɨa ngà nè mbì.

Lûm 1:26

Àyaa a ghɨ̀ Mbɔ̧ɔ̧mà sà àwɔb nè bɔ̀ me ghɨ̀ wuê èbɨꞋte èghɨ bu àa ŋa àtsəa kɔꞋɔ bɔ zì mèntɨ̧ɨ̧ mɔb adù̧ la. Bèzi bɔb e sà mbâ̧tsə ntsìꞋa nɔ̀ŋkà nè bèzi ko.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

Jûd 1:7

Bòt Sodòm nè bòt Gòmolà nè èlaꞋ bu a ngèt yɔb la e li ngɨ̀ wuê a èlɨ mbɔŋ. Bɔ li ngua mpàꞋta bòt kà yɔꞋɔ awɔb, njɨ̀a àbȩ, mbâ̧tsə te nɔ̀ŋkà nè è teko, tè Mbɔ̧ɔ̧mà lììme awɔb a èbem èwet nɨŋ nyɨ̀Ꞌte àghɨa tàa li ghɨ̀ ne bòt bu bɔ̀ɔ li eye ngoꞋ a èbem èwet ane àlia nè àlia la.

Tȩtɔ̀s 1:9

Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Tȩtɔ̀s 1:13

Ànəê yaa tà li shu la a bɔ̂ ngu nkûŋ. Mbɨ̀Ꞌɨ̀ aa anè la, à bɔ ndɨ àa taꞋa ŋȩte awɔb mbɨ̀Ꞌɨ̀ bɔɔ me nèèta nkùŋà alu̧ Mbɔ̧ɔ̧mà la.

Ètsə 18:13

Nè èghɨ e bɔ èghaa ntsɔ̧̀ la, mbɨ̀Ꞌɨ̀ àyɨt ko bɔ̀ɔ ntɔ ane sinamɔ̀n la, nè tènùꞋatsə, nè mèwet kǒ bɔ̀ɔ nto̧a la, nè məə, nè èwuu èlȩê ko, nè mèlùꞋ nè mèwet, nè flawà ntsɔ̧̀ nè èwuu ntsəètè ko nè mpɔ̀ŋtsə nè njɨ̀tsə, nè bèloà, nè bèmatùà ko bèloà àa səèà la, ndɔ̀Ꞌ nè èbùꞋ, è wu bɔbȩ la.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.