7 Èghɨ aà betat àa nyɨ̀Ꞌta nkûŋ la:
È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,
Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.
Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”
Ngɔ̀ŋ li me bùꞋu, Èngǎ̧ wu e yaŋe wu. Èngǎ̧ mbɔŋ e li ngu bɔ̂ Mbɔ̧ɔ̧mà nɔ̂, Èngǎ̧ wu li ngu àzi Mbɔ̧ɔ̧mà.
Mbɔ̧ɔ̧mà yu̧u̧me atò ntsìà àbâ àbualu̧ azi, mè ndzì Fo Kèfə ane tò, mbɨ̀Ꞌɨ̀ Tǎt tò Mbɔ̧ɔ̧mà wu zìambɔŋ li nkàꞋ la. Èghɨ bàa bɨ ye àfɨ̀Ꞌ yaa mè ndzəèa la, wu èghɨ Yesò ghɨ̌ ane ya la.
Wu Yesò Klistò tà li nkɨ̀Ꞌɨ̂ a ngɔ̀ŋ ŋaa nè mèleb bɔ̂ àlo̧ atò a nchɨ̧̀ɨ̧̀te a si la. Tà li tà kà nɨ wuê ndàꞋ mèleb, àlo̧ atò a li nchɨ̧̀ɨ̧̀te a si mɨ̧̂. Fo Mbɔ̧ɔ̧mà yu nàa ka fɨ̀tê la zìambɔŋ è nyɨꞋtè nê eyaa wu nkûŋ.
Yesò bɨ̀ɨ̀lè nê “E ngu anè me ŋeꞋe am mmɔ̌ mbɔŋ a ègwet, ko wu àku. Wòt tàa ŋeꞋe am la wu Tǎt am wu bɨ̀a shua nê wu Mbɔ̧ɔ̧mà wɨ̧ la.
Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”
Ba Tǎt am e wu àghɨ yeamɔꞋ.”
KwàꞋ ane ndɨ Mbɔ̧ɔ̧mà nàa ngɨ̀a bòt e bɔ mèmpème la, wu wuê a èlɨ mbɔŋ tà ghɨ̂ Waã tò me ŋa mèmpème la.
Ndǐ tà li nkwaã la bɔ li ndzì a èbem àlo̧. Bɔ me tɔ èlen tò nê Èngǎ̧ Mbɔ̧ɔ̧mà.
Lefɨ̀Ꞌ lɔ̀kè èlen lê ntsaa ègwet.” Tà làꞋ ale, àtɔŋ a tse a ègwet nê, “Mâ lɔ̀kè èlen laã tè ndɔ̀Ꞌ mè mbèle elɔ̀ke.”
Ale, e ndaꞋa ànəa mâ ko ane yaã mmɔ̌ mbɔŋ la, Tǎt am wu tà tsàà am la mè me laꞋa ànəa tà ko ane yaã la.”
Mbə à shu ale, tà bakà bɨ̧̀ɨ̧̀ne nê ye fà̧, à mè nɨ wòt kǒ wemɔ̀Ꞌ kò babe leꞋ nkwèꞋne ane yê ka bɨ ghà mè ndaꞋa abua tò mbɨ̀Ꞌɨ̀ bòt bàa aa zə emě ko shu ànəa àgème bɔ zə la.
Ba shɨa abua yɨ̧ ane ànəa èngǎ̧ wu e li mbɨ̀ ngu tê àfɨꞋa mbì ka ngɔ̀ŋ naa li ebùꞋù la. Bàa mbɔŋ e zə èngǎ̧ mbɔŋ mè ndzè ne àghɨ aya. Ba lâ ndzě wùà mè mbà̧à̧te nè èbu ba. Wu èngǎ̧ Mbɔ̧ɔ̧mà wu àa ŋǎ bòt mèmpème kàlìà la.
Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.
“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.
Fo Mbɔ̧ɔ̧mà, mèleb nè àlo̧ Yesò yu a le chɨ̧ɨ̧te a si la. Èghɨ baa betat la àa nyɨ̀Ꞌta ànəê yeamɔꞋ.
