Bib sou entènèt

1 Jɔ̌n 5:13 - Mundani

¹³ E shɨa abua yɨ̧ wu bɨ zì mèntɨ̧ɨ̧ mɨ̧ ane Waã Mbɔ̧ɔ̧mà la mbɨ̀Ꞌɨ̀ bɨa ko nê, bɨ bɔ mèmpème kàlìà.

Gade chapit la Kopi

tounen moute ⬆

1 Jɔ̌n 5:13
26 Referans Kwoze

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 1:12

Ka bòt bàgème bɔ sèe atò, ndzì mèntɨ̧ɨ̧ mɔb ane èlen tò la, tà ghɨ̀ àwɔb bɔ tsiꞋi bɔ̧ Mbɔ̧ɔ̧mà.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

Jɔ̌n 3:18

Wòt tà zi èntɨ̧ɨ̧ vi ane tò la àyea tò a bakà bɨ, ka èwe kà zi èntɨ̧ɨ̧ vi ane tò, àyea tò a bɨɨ tê ndɔ̀Ꞌ, nkàà nê tà bakà zi èntɨ̧ɨ̧ vi ane ndàꞋa Waã Mbɔ̧ɔ̧mà.

1 Jɔ̌n 2:21

È ntsě shɨa abua yɨ̧ nê bɨ bakà ko nkûŋ. E shɨa ndɨ̀ wu bɨ ko la. Bɨ ko mɨ̧̂ nê betsiꞋa nkûŋ ka bi àfɨte.

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

1 Jɔ̌n 2:1

E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.

1 Jɔ̌n 1:4

Ba shɨa mbɨ̀Ꞌɨ̀ mèngùꞋte naa paa elu̧u̧ a mèntɨ̧ɨ̧ ma.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

Jɔ̌n 2:23

Mbɨ̀Ꞌɨ̀ Yesò wua Jèlusalèm àfɨꞋa èpǎ̧ Màntsea a ègwet la, bòt nyaŋ e zì mèntɨ̧ɨ̧ mɔb ane èlen tò mbɨ̀Ꞌɨ̀ bɔ ye mènəè kà ye fɨ̀Ꞌ mu tà ghɨ̀ la.

1 Jɔ̌n 2:26

E shɨa abua yɨ̧ ane ànəa bòt bu bɔ̀ɔ nyɔ̀Ꞌtà nkɨ efɨte awɨ̧ la.

ÀfaꞋa 3:16

Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

Jɔ̌n 21:24

Wu wakatè Yesò waa ka tà ye mènəè maa, ndàꞋà ànəa mùà la; è mè ngu tòà ka tà shɨ mùà a èbem àkatè yaa la. Ba ko nê ànəa tà shɨ la wu nkûŋ.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

1 Jɔ̌n 4:9

Ye ndɨ Mbɔ̧ɔ̧mà li nyɨ̀Ꞌte èkɔŋ vi ane ya la. Tà li ntsàà ndàꞋà Waã vi a ngɔ̀ŋ ŋaa, mbɨ̀Ꞌɨ̀ taa ghɨ̌ baa bɔ mèmpème kàlìà.

1 Jɔ̌n 5:11

Ànəê yaa Mbɔ̧ɔ̧mà shu la wu nê, tà ŋa awa mèmpème kàlìà. Wòt bɨ̧̀ɨ̧̀nâ ane Waã tò, ka tà bɔ̀ mèmpème mbɔŋ.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Swiv nou:

Lyen patwone

Piblisite

Piblisite