Biblia Todo Logo
Bib sou entènèt

- Piblisite -




1 Jɔ̌n 4:7 - Mundani

7 Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.

Gade chapit la Kopi




1 Jɔ̌n 4:7
25 Referans Kwoze  

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?


Wòt ègème tàa ka kɔ̀ŋkè bɔnyɨ bi la bakà ko a Mbɔ̧ɔ̧mà, nkàà nê Mbɔ̧ɔ̧mà wu èkɔŋ.


Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.


Wòt ègème tàa nkɔ̀ŋkà wanyɨ vi la nàà ntsèka a èbem èkaꞋà, tè àghɨa ko à ka wuê ane tò betsiꞋa a ghɨ̀ tà ghɨ a kàbɔ̀ŋ la.


Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,


Ko nê Fo yu Mbɔ̧ɔ̧mà ŋa abua ya la, nàà kà ghɨ̀ bòt e bɔà. Nàà ŋàa awa wuê mètàŋ, ngɨ̀à ba kɔ̀ŋkà bòt, mè ngɨ̀à ndɨ bàa me baãaã mèntɨ̧ɨ̧ ma ka ngɨ̀à mènəè la.


Wòt te bakà ye a Mbɔ̧ɔ̧mà, ka ba me kɔ̀ŋkè bɔnyɨ ba, ko baa Mbɔ̧ɔ̧mà ba e tsiꞋi àghɨ yeamɔꞋ, tà mè ndù̧ù̧ne mèntɨ̧ɨ̧ ma nè èkɔŋ.


Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.


Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.


Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.


Ka àfɨ̀Ꞌ yaa bɨ koa Mbɔ̧ɔ̧mà la, kò è shu nê àfɨ̀Ꞌ yaa Mbɔ̧ɔ̧mà ko awɨ̧ la, ngulesi àghɨ yu a ghɨ̂ ka bɨ me kua akwèn nga abua èyo̧o̧te fotsə kà ye àfɨa la wu ghà à? Bɨ chɨɨmè ngɨ̀ nà ka mè me kɨ ewu èbùꞋ a èten tùà à?


“Mâ ŋa awɨ̧ mbɨ̧ fi nê, bɨ̀ me kɔ̀ŋkè bɔnyɨ bɨ̧. Mbɨ̀Ꞌɨ̀ ndɨ maa wua nkɔ̀ŋkà àwɨ̧ la, bɨ̀ me kɔ̀ŋkè bɔnyɨ bɨ̧ mɨ̧̂.


Ka wòt nàa me kɔ̀ŋka Mbɔ̧ɔ̧mà, Mbɔ̧ɔ̧mà ko a ŋut.


Ba me ghɨ̀ àghɨa Mbɔ̧ɔ̧mà shua la, ba ko nê ba ko atò.


Wòt nê ye ko atò, ka mbakà wua ngɨ̀à ànəa tà shua la, ko wòt mbɔŋ wu wòt mèfà̧, tè nkûŋ ka bê ngu ane mènəè tò.


Ngule bèshu̧ bɔ̧, mbɨ̧ yaa e shɨa abua yɨ̧ la ntsě ànəa fi Mbɔ̧ɔ̧mà laꞋnê bɨ̀ me ghɨ̀ la. Wu mbɨ̧ bɨ li ndzə e bùꞋù tê ane àlia mbì yu bɨ li ndzì mèntɨ̧ɨ̧ mɨ̧ ane Yesò Klistò la. Mbɨ̧ nyǎꞋ wu ànəa yu bɨ yaŋe zə la.


Waa waa tà wù Waã Mbɔ̧ɔ̧mà la nàà kà tsi ngɨ a kàbɔ̀ŋ, nkàà nê ŋut e nɔ̀ŋe èngǎ̧ Mbɔ̧ɔ̧mà a èntɨ̧ɨ̧ vi, tà kà tsi ngu e ghɨ̌ a kàbɔ̀ŋ nkàà nê tà wu Waã Mbɔ̧ɔ̧mà.


Ngule bèshu̧ bɔ̧, ndɨ̀ wu Mbɔ̧ɔ̧mà li ntaꞋa nkɔ̀ŋkè àwa anè la, bà me kɔ̀ŋkè bɔnyɨ ba mɨ̧̂.


Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.


Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.


È wu ale, e me shu̧u̧te awê, àwɔ̀ Mè waa màa nkɔ̀ŋkà la nê, bà me kɔ̀ŋkè bɔnyɨ ba. Ànəê yaa e shɨa la ntsě ànəa fi Mbɔ̧ɔ̧mà laꞋnê bà me ghɨ̀ la. Wu ànəa ba li ndzə ebùꞋù tê ane àlia mbì yu ba li ndzì mèntɨ̧ɨ̧ ma ane Yesò la.


Swiv nou:

Piblisite


Piblisite