1 Jɔ̌n 4:15 - Mundani

¹⁵ Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 4:15 Referans Kwoze

1 Jɔ̌n 5:5

Wòt betsiꞋa tà tsè ngɔ̀ŋ yaa la wu ndàꞋà wòt tà bɨ̧ɨ̧nè nê Yesò wu Waã Mbɔ̧ɔ̧mà la.

Lûm 10:9

À shua ane ètsəê wê nê, “Yesò wu Lefɨ̀Ꞌ,” mè mbɨ̧̀ɨ̧̀ne a èntɨ̧ɨ̧ wê nê Mbɔ̧ɔ̧mà li njù̧ù̧me a Yesò a èbem èvə, ko aa bɔ mèmpème.

Matìù 10:32

“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la.

1 Jɔ̌n 4:2

Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.

1 Jɔ̌n 3:24

Waa waa tàa ngɨ̀à ànəa Mbɔ̧ɔ̧mà shu la tsiꞋi àghɨ yeamɔꞋ bɔ̂ tò; Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut. Àghɨa a ghɨ̀ ka ba nê ba tsiꞋi àghɨ yeamɔꞋ nè Mbɔ̧ɔ̧mà la, wu nè tà zi Fo zi a mèntɨ̧ɨ̧ ma.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

1 Jɔ̌n 4:12

Wòt te bakà ye a Mbɔ̧ɔ̧mà, ka ba me kɔ̀ŋkè bɔnyɨ ba, ko baa Mbɔ̧ɔ̧mà ba e tsiꞋi àghɨ yeamɔꞋ, tà mè ndù̧ù̧ne mèntɨ̧ɨ̧ ma nè èkɔŋ.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

Lûk 12:8

“Ale, tsiꞋ è shu awɨ̧ nê wòt gème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, Waã Wòt naa li mbɨ̧̀ɨ̧̀ne nê tà wu wòt vi mɨ̧̂ a mbì bɔntu̧ Mbɔ̧ɔ̧mà.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

1 Jɔ̌n 2:23

Wòt tù̧a Waã Mbɔ̧ɔ̧mà, a wu nê tà tu̧ a Tǎt tò Mbɔ̧ɔ̧mà mɨ̧̂. Ka wòt tà bɨ̧ɨ̧ne ànəa Waã Mbɔ̧ɔ̧mà la, è bɨ̧ɨ̧ne a Tǎt tò Mbɔ̧ɔ̧mà mɨ̧̂.

1 Jɔ̌n 2:24

È me wu awɨ̧ ko bɨ̀ ye nê bɨ nɔ̀ŋà mènəè mu bɨ li ndzə àfɨ̀Ꞌ yu bɨ li mbùꞋ me ko a Yesò la a mèntɨ̧ɨ̧ mɨ̧. Bɨ nɔ̀ŋè mènəè maa a mèntɨ̧ɨ̧ mɨ̧, ko bɨ Waã Mbɔ̧ɔ̧mà ba nè Tǎt wa Mbɔ̧ɔ̧mà aa tsiꞋi àghɨ yeamɔꞋ.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

ÀfaꞋa 8:37

[Filìb shu abua tò nê, “À nàŋa tè ndzia èntɨ̧ɨ̧ wê ègème ane Yesò ko betsiꞋa bɔ zì àwê a èdzî.” Tà nê, “Oò mâ bɨ̧̀ɨ̧̀nè nê Yesò Klistò wu Waã Mbɔ̧ɔ̧mà.”]