1 Jɔ̌n 4:14 - Mundani

¹⁴ Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

1 Jɔ̌n 4:14 Referans Kwoze

1 Jɔ̌n 4:10

Ye àghɨa èkɔŋ è wu yùà la. È ntsě bàa ba li nkɔ̀ŋkè a Mbɔ̧ɔ̧mà la, wu tòà kà tà li nkɔ̀ŋkè àwa ntsàà Waã vi nê tà ŋà àtsəa zi nɨŋ nchùꞋù àtsəa bɔbȩ ane bèkàbɔ̀ŋ bɔb la.

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

1 Jɔ̌n 5:9

Bɔbȩ àa ngɨ̀ bɔ̀ shu ànəa bɔ ye la, ba bɨ̧ɨ̧nè nê wu nkûŋ. È me wu a Mbɔ̧ɔ̧mà ko tàa ngɨ̀ tà shu ànəê, è wu nkûŋ tè ntsè àyea wɔ̀bȩ̂. Eyaa wu ànəa Mbɔ̧ɔ̧mà zìambɔŋ shu ane Waã vi la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

Jɔ̌n 12:47

“Wòt zəa mèngǎ̧ mɔ̧ mbakà ghɨ mbɨ̀Ꞌɨ̀ nàa shua la ko è nka saꞋa tò a, nkàà nê e ndi è nka wua nkɨ̀Ꞌa saꞋa bòt ngɔ̀ŋ, e ndi ngua nkɨ̀Ꞌa ŋa wɔb mèmpème.

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

Jɔ̌n 10:36

BetsiꞋa bɨ shu nê wòt wu Mbɔ̧ɔ̧mà lȩ̀ ntsaa a sitsǎꞋ ŋaà la nàà fɨ̀Ꞌnà àvi ane Mbɔ̧ɔ̧mà na mâ laꞋnê e ngu Waã tò la à?

Jɔ̌n 3:32

Tàa ngɨ̀ tà shu bòt àghɨa ye ye, mè nko la, ka wòt kà bɨ̧ɨ̧ne èngǎ̧ tò.

Jɔ̌n 3:11

TsiꞋ è shu awê ane nkûŋ nê, ba wua ndàꞋà àghɨa ba ye la, mè ngua shua àghɨa ba ko la, ka wòt kà wu ane yɨ̧ tàa nkɨ ebɨ̧ɨ̧ne ànəa ba shua la.