Bib sou entènèt

1 Jɔ̌n 2:17 - Mundani

¹⁷ Bɨ̀ ko nê, sitsǎꞋ yàa nè èghɨ bu ègème a èbem bɔbȩ àa nkɔ̀ŋkà la naa li lɔ̀Ꞌɔ etsě. Ka è wu wòt wu tàa ngɨ̀à mènəè Mbɔ̧ɔ̧mà nàa nkɨà la, ko taa li ntèꞋa ane àlia nè àlia.

Gade chapit la Kopi

tounen moute ⬆

1 Jɔ̌n 2:17
28 Referans Kwoze

Matìù 24:35

SitsǎꞋ bɔ̂ ègwet naa li lɔ̀Ꞌɔ lìa, ka àghɨ à ka wuê li ekubte ane èngǎ̧ am.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

1 Kɔlìn 7:31

Bòt bu bɔ̀ɔ ngɨ̀à mènəè ngɔ̀ŋ la è mě ntsiꞋi me tseke mbɨꞋɨ̀ bɔɔ kà ghɨ mènəè nè ngɔ̀ŋ mbɔŋ. Bɨ̀ ghɨ̀ ale nkàà nê ngɔ̀ŋ yaa nè mènəè mi tsèà tsě.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

Ntu̧ Ntsɔ̧̀ MAK 3:35

Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

1 Tèsàlonikà 4:3

Àghɨa Mbɔ̧ɔ̧mà nàa nkɨà la wu nê bɨ̀ bɔ èntɨ̧ɨ̧ kèfə mbɨ̀Ꞌɨ̀ zìa, wòt ka nɔ̀ŋkè nè àvi kà wu ewe tò.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Matìù 7:21

“È ntsě wòt ègème tàa ntɔ am nê Tè, Tè la tàa li nyi a kèfɔ̧̀ Mbɔ̧ɔ̧mà la. Ka bòt bɔ̀ɔ li nyi a Kèfɔ̧̀ Mbɔ̧ɔ̧mà la wu ndàꞋ èbu bɔ̀ɔ ngɨ̀à àghɨa tǎt am wu a ègwet la nàa nkɨà la.

Jimsì 4:14

Bɨ̀a ngɨ̀ bɨ̀ me ghɨ̀ ale, bɨ̀ ka lem nko ndɨ tètsɔꞋ nàa sàꞋa wu la. Mèntsèke mɨ̧ a sitsǎꞋ ŋàa wu ghà à? Bɨ bê ngu wuê mbɨ̀Ꞌɨ̀ lèbaŋa wu wòt nàà ngɨ̀ ye, àdziꞋ me wù̧ù̧ne è kà tsi nguê la.

Jɔ̌n 6:58

Eyaa wu bled wu è chu a ègwet la, è ntsě àfəa wu bètǎt nyaꞋ bɨ̧ e li nkwet ndɔ̀Ꞌ mè mpfəèꞋte la. Wòt tà kwele a bled waa la naa bɔ mèmpème e me tseke ane àlia nè àlia.”

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

1 Tèsàlonikà 5:18

Bɨ̀ me kɔ̀ŋkè a Mbɔ̧ɔ̧mà ane àghɨ àgème, ka ghǎ e màà ngɨ̀à leꞋ. Eyaa wu ndɨ Mbɔ̧ɔ̧mà nàa nkɨà nê bɨ̀a wu bɨ̀ tsiꞋi àghɨ yeamɔꞋ nè Yesò Klistò la è me ghɨ̀ la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

Swiv nou:

Lyen patwone

Piblisite

Piblisite