1 Jɔ̌n 2:16 - Mundani

¹⁶ Èghɨ bu ègème a ngɔ̀ŋ ŋaa, è wu èghɨ mbɨ̧̀ ènyit nàa nkɨà la, nè èghɨ bòt àa ndzea mè nkɨà la, nè àghɨ àgème a sitsǎꞋ ŋàa bòt àa ŋèꞋa tèkwȩ tɔb adù̧ la, è ka dzə abua Tǎt wa Mbɔ̧ɔ̧mà. Èghɨ mbɔŋ wu èghɨ sitsǎꞋ.

1 Jɔ̌n 2:16 Referans Kwoze

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Gàlashìà 5:17

Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Jimsì 3:15

Èwuu èyì waa è ka dzə abua Mbɔ̧ɔ̧mà, e dzə a sitsǎꞋ, Fo Mbɔ̧ɔ̧mà kà meè ngu adù̧. E dzə abua Satàn.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Matìù 5:28

Ka e ngua shua wɨ̧ nê, wòt tà ye àvi mɨ̀ɨ̀tè nê ye wu paꞋte atò la, è jɨ̀ àbȩ bɔ̂ tò a èntɨ̧ɨ̧ vi tè ndɔ̀Ꞌ.

Lûk 4:5

Satàn nɨ a Yesò nkɔꞋ ngà a ègwet, tà wu me gwèlè èghɨ li, Satàn nyɨ̀Ꞌte atò èlaꞋ ègème sitsǎꞋ,

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Matìù 4:8

Satàn mè nɨa Yesò nkɔꞋ ngà a ègwet taꞋà èbȩ ko, nyɨ̀Ꞌte atò èlaꞋ sitsǎꞋ ègème nè ènɨ̧ awɔb.

1 Kɔlìn 10:6

Èghɨ baa ègème e li ngɨ ane bètǎt nyaꞋ ba la e wu mbɨ̀Ꞌɨ̀ baa nɨ nkɨà àfɨ̀Ꞌ yaa, mbɨ̀Ꞌɨ̀ e baka wua nkɨ me ghɨ̌ a kàbɔ̀ŋ mbɨ̀Ꞌɨ̀ bɔ li ngɨ̀ la.

Jimsì 4:16

Ka bɨa ŋèꞋe tèkwȩ tɨ̧ a ègwet, ngù̧a nkùꞋ tɨ̧, ka bɔ̂ tèkwȩ tɨ̧ ngaa bɨ ŋeꞋe a ègwet la wu ànəa kàbɔ̀ŋ.