1 Jɔ̌n 2:15 - Mundani

¹⁵ Ko mbɨ̀Ꞌɨ̀ wòt zì èntɨ̧ɨ̧ vi adù̧ ngɔ̀ŋ yaa kò ane èghɨ è wu a èbem ngɔ̀ŋ ngaa la leꞋ. Wòt zìà èntɨ̧ɨ̧ vi ane èghɨ ngɔ̀ŋ yaa tà ko nê èntɨ̧ɨ̧ vi e te ntsě ane Mbɔ̧ɔ̧mà.

1 Jɔ̌n 2:15 Referans Kwoze

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Matìù 6:24

“BetsiꞋa wòt kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, ko taa me zə wekǒ ngwàa wekǒ. BetsiꞋa wòt kà me kùŋe a Mbɔ̧ɔ̧mà mè nkùŋà èkab.

Lûk 16:13

“BetsiꞋa wafàꞋ kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, mbə taa me zə wekǒ ngwǎ wekǒ. BetsiꞋa wòt kà me kùŋa Mbɔ̧ɔ̧mà mè nkùŋà èkab.”

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

1 Jɔ̌n 3:17

Wòt bɔ èghɨ nyaŋ a ngɔ̀ŋ ŋaa, wanyɨ tò wu ane mbuŋ, tà tu̧ eku tèsȩte tò etɨŋe atò, ŋut ghɨ̀ nà ka mɨ̀ɨ̀tè nê yea nkɔ̀ŋkà Mbɔ̧ɔ̧mà à?

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

1 Jɔ̌n 4:5

Bɔ wu bòt ngɔ̀ŋ yaa, ale mènəè bɔ làꞋà la wu mènəè bòt ngɔ̀ŋ, bòt ngɔ̀ŋ e mè me zə awɔb.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

Matìù 4:8

Satàn mè nɨa Yesò nkɔꞋ ngà a ègwet taꞋà èbȩ ko, nyɨ̀Ꞌte atò èlaꞋ sitsǎꞋ ègème nè ènɨ̧ awɔb.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.