Bib sou entènèt

1 Jɔ̌n 1:2 - Mundani

² Èngǎ̧ mèmpème waa e li mpuula ayaã, ba ye wùà. Ba wu anè ndàꞋà ànəa ba ye mè ndzə la, mè ngua shua wɨ̧ ànəa mèmpème kàlìà mu è li mbɨ̀ ngu bɔ̂ Tǎt wa Mbɔ̧ɔ̧mà ka tà tùꞋù abua ya la.

Gade chapit la Kopi

tounen moute ⬆

1 Jɔ̌n 1:2
37 Referans Kwoze

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Jɔ̌n 1:4

Tà wu wòt tàa ŋǎ ngule mèntsèke abua bòt, è ghɨ̀à bɔ bɔ èkaꞋà la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

1 Jɔ̌n 5:11

Ànəê yaa Mbɔ̧ɔ̧mà shu la wu nê, tà ŋa awa mèmpème kàlìà. Wòt bɨ̧̀ɨ̧̀nâ ane Waã tò, ka tà bɔ̀ mèmpème mbɔŋ.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

2 Tɔ̀màtià 1:10

Ka ne àfɨ̀Ꞌ yaa, ba yea ntsɔ̧̀ Mbɔ̧ɔ̧mà mbɔŋ, nkàà nê Tǎt wa Yesò Klistò wu tà wu Mpemnà la è kɨꞋɨ̀. Tà loote nkwete èvə, mè nyɨ̀Ꞌte nê, ba bɨ̧ɨ̧nà Ntu̧ Ntsɔ̧̀ yu, ko baa bɔ ngule mèmpème kàlìà kà wu tsi epfə.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Jɔ̌n 15:27

Bɨ̀a mbɔŋ e bɔ ndɨ bɨ̀a laꞋa ànəa bɨ ko ane yaã la, nkàà nê bɨ li ngu ba nɨ̧̀ ba kwàꞋ àfɨ̀Ꞌ yu e ndi mbùꞋ me nyɨꞋte mènəè maa la.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

ÀfaꞋa 10:41

Tà lè kaꞋa nyɨ̀Ꞌte avi abua waa waa, ka mbɔ̂ nyɨ̀Ꞌte avi abua ya wu Mbɔ̧ɔ̧mà laa nê bà ye, mè nkoê nê tà pfə mè njù̧ù̧me la. Baa li njɨ mè nu ne tò àfɨꞋa tà yu̧u̧me la.

ÀfaꞋa 5:32

Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

Jɔ̌n 21:14

Eyaa li ngu ngò̧ tetat, Yesò pùùla a mbì bɔkatè bi mbɨ̀Ꞌɨ̀ tà yu̧u̧me la.

Jɔ̌n 17:5

È wu ale a Tè, ghɨa àfɨ̀Ꞌ yaa è mbɔ ènɨ̧ wu a ngèt yê, è wù ènɨ̧ wu e ndi mbɔŋ ka ngɔ̀ŋ naa li ewu la.

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Jɔ̌n 8:38

E ndàꞋà mènəè Tǎt am è nyɨꞋte am la, è me wu awɨ̧ ko bɨ wua ngɨ̀à àghɨa bɨ zə abua wɨ̧ ne tǎt la.”

Jɔ̌n 7:29

Mâ ko atò nkàà nê e ndzəa abua tò, wu tòà ka tà tsàà am la.”

Jɔ̌n 3:13

Wòt kǒ tà li te mè kɔꞋ nga a ègwet mbɨ̀Ꞌɨ̀ e ko la ntsě, wu wuê ndàꞋà Waã Wòt wu tà lè chu a ègwet və la ka tà ko la.

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

1 Jɔ̌n 1:1

Ba shɨa abua yɨ̧ ane ànəa èngǎ̧ wu e li mbɨ̀ ngu tê àfɨꞋa mbì ka ngɔ̀ŋ naa li ebùꞋù la. Bàa mbɔŋ e zə èngǎ̧ mbɔŋ mè ndzè ne àghɨ aya. Ba lâ ndzě wùà mè mbà̧à̧te nè èbu ba. Wu èngǎ̧ Mbɔ̧ɔ̧mà wu àa ŋǎ bòt mèmpème kàlìà la.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Jɔ̌n 19:35

Wòt tà li ndzě ndɨ mènəè maa tsèà la, è làꞋa ànəa mùà mbɨ̀Ꞌɨ̀ bɨa bɨ̧ɨ̧ne mɨ̧̂. Mènəè maa tà shu la wu nkûŋ, tà mè nko nê, ye làꞋà nkûŋ mɨ̧̂.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

1 Jɔ̌n 4:2

Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

1 Jɔ̌n 5:13

E shɨa abua yɨ̧ wu bɨ zì mèntɨ̧ɨ̧ mɨ̧ ane Waã Mbɔ̧ɔ̧mà la mbɨ̀Ꞌɨ̀ bɨa ko nê, bɨ bɔ mèmpème kàlìà.

Swiv nou:

Lyen patwone

Piblisite

Piblisite