Bib sou entènèt

1 Jɔ̌n 1:1 - Mundani

¹ Ba shɨa abua yɨ̧ ane ànəa èngǎ̧ wu e li mbɨ̀ ngu tê àfɨꞋa mbì ka ngɔ̀ŋ naa li ebùꞋù la. Bàa mbɔŋ e zə èngǎ̧ mbɔŋ mè ndzè ne àghɨ aya. Ba lâ ndzě wùà mè mbà̧à̧te nè èbu ba. Wu èngǎ̧ Mbɔ̧ɔ̧mà wu àa ŋǎ bòt mèmpème kàlìà la.

Gade chapit la Kopi

tounen moute ⬆

1 Jɔ̌n 1:1
23 Referans Kwoze

Jɔ̌n 20:27

Tà làꞋ ale mbɔ̂ shu abua Tɔmasì nê, “Zì kèti fê a si ŋàa mbɔ̂ ndȩ̀ èbu bɔ̧ ndze, mè ntsàà àbu ayê mbà̧à̧te àbâ mbɨ̧̀ am. Bɨ̧ɨ̧ne, à ka tsi màkè.”

ÀfaꞋa 4:20

BetsiꞋa bà ka tseke kà làꞋ àghɨa bàambɔŋ e ye mè ndzə la.”

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

Jɔ̌n 5:26

KwàꞋ ane ndɨ Mbɔ̧ɔ̧mà nàa ngɨ̀a bòt e bɔ mèmpème la, wu wuê a èlɨ mbɔŋ tà ghɨ̂ Waã tò me ŋa mèmpème la.

Lûk 24:39

Bɨ̀ lɨ̀ŋkè tèkitebu taã nè èka bɔ̧, ndzè na wu mmɔ̌ la. Bɨ̀ baãaãte am ndze. Àlɨ̀ŋkè à bakà bɔ nyaãte ènyit, à ka bɔ èkwȩ mbɨ̀Ꞌɨ̀ mâ bɔ la.”

Jɔ̌n 8:58

Yesò shu abua yɔb nê, “Ane nkûŋ, tsiꞋ è shua wɨ̧ nê, Abàlàghâm li me laꞋ ne yea ngua, e ndzaŋe ewu.”

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Jɔ̌n 19:35

Wòt tà li ndzě ndɨ mènəè maa tsèà la, è làꞋa ànəa mùà mbɨ̀Ꞌɨ̀ bɨa bɨ̧ɨ̧ne mɨ̧̂. Mènəè maa tà shu la wu nkûŋ, tà mè nko nê, ye làꞋà nkûŋ mɨ̧̂.

ÀfaꞋa 1:3

Mbɨ̀Ꞌɨ̀ bɔ ghɨ̧̀ɨ̧̀ne a Yesò tè tà pfə mè njù̧ù̧mê la, tà nèètè nyɨ̀Ꞌte avi abua bɔntu̧ bi bu ane ndɨ bɔ̀ɔ ko nkûŋ nkûŋ nê Tà yù̧ù̧mè la. Tà li ntaꞋa pùùla a mbì lɔb ane èlibȩ èghem yekwì, ndaꞋa abua yɔb ndɨ Mbɔ̧ɔ̧mà nàa mbà̧aã kèfɔ̧̀ vi la.

Ètsə 19:13

Ndǐ tà li nkwaã la bɔ li ndzì a èbem àlo̧. Bɔ me tɔ èlen tò nê Èngǎ̧ Mbɔ̧ɔ̧mà.

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

1 Jɔ̌n 5:7

Èghɨ aà betat àa nyɨ̀Ꞌta nkûŋ la:

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Swiv nou:

Lyen patwone

Piblisite

Piblisite