1 Kɔlìn 9:23 - Mundani

²³ E ngɨ̀à èghɨ bàagème mbɨ̀Ꞌɨ̀ ghɨ̌ Ntu̧ Ntsɔ̧̀ naa me ghà ne mbì, màa nkɨà mbɨ̀Ꞌɨ̀ è ngu bɔ wɔ̧ ne èghàb ane àbȩ̀ èngǎ̧ mbɔŋ la.

1 Kɔlìn 9:23 Referans Kwoze

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Ntu̧ Ntsɔ̧̀ MAK 8:35

Wòt me baabe àtsə azi ko taa pfə, ka wòt tà ŋà àtsəa zi ambo yaã nè Ntu̧ Ntsɔ̧̀ la, naa peme.

1 Jɔ̌n 1:3

Ba wua mè ndàꞋà ànəa ba ye mè ndzə la, mbɨ̀Ꞌɨ̀ bɨa fɔta wa ba nɨ̧̀ ba nè Tǎt wa Mbɔ̧ɔ̧mà bɔ̂ Waã vi Yesò Klistò baa tsiꞋi àghɨ yeamɔꞋ.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

2 Tɔ̀màtià 2:6

È me wu ane ànəa mbȩ ko wòt tàa mbɨ̀à njùta èghɨ mbȩ àfɨꞋa e kweele la wu tòà wu tà ghɨ̌ àfàꞋa kekweelè la.

2 Kɔlìn 2:4

E ndi me shɨ àkata ngaa, a taꞋa saa am a èntɨ̧ɨ̧ am tè mèsi chu àghɨ am kwàꞋ ànyaꞋne. E ndi me shɨ è nka wua nkɨà mèntɨ̧ɨ̧ mɨ̧ naa me ghò̧ò̧ne. E ndi ngua nkɨà bɨa ko ndɨ màa ndâ nkɔ̀ŋkà àwɨ̧ la.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

Lûm 11:17

Bɔ loote mèntaãaã kǒ ane àyɨt olìf yu bɔ liꞋi la, nɨ mèntaãaã àyɨt olìf èbemebàꞋ nkɨ̀Ꞌɨ̀ ndzì abot. Bɨ̀a bòt kà wu bòt Izəèlȩê aa mbɨ̀Ꞌɨ̀ mèntaãaã àyɨt olìf èbemebàꞋ yu, njɨ̀a àbȩ̀ èghɨ ntsɔ̧̀ bòt Izəèlȩê.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.