1 Kɔlìn 9:21 - Mundani

²¹ È ngu ba bòt kà wua nɔ̀ŋà mbɨ̧te Musì, e me tseke mbɨꞋɨ̀ wòt kà wua nɔ̀ŋà mbɨ̧te mbɔŋ. E ntsea shua nê maà kà nɔŋe mbɨ̧ Mbɔ̧ɔ̧mà, ka maà ntsèka mbɨ̀Ꞌɨ̀ mbɨ̧ Yesò Klistò nàa nkɨà la. Màa ngɨ̀à ale mbɨ̀Ꞌɨ̀ ghɨ̌ bòt kà wu Bèjuê baa aa zì mèntɨ̧ɨ̧ mɔb ane Yesò la.

1 Kɔlìn 9:21 Referans Kwoze

Lûm 2:12

Bòt bu bàgème bɔ li ngɨ̀a kàbɔ̀ŋ kà ko mbɨ̧ yu Mbɔ̧ɔ̧mà li ŋa abua Musì la, bɔɔ li nyɔ ka ko mbɨ̧ mbɔŋ. Bòt bu bɔ li nko mbɨ̧ mbɔŋ, ka ngɨa kàbɔ̀ŋ la, bɔɔ li nɨ mbɨ̧ mbɔŋ e saꞋa awɔb.

Gàlashìà 3:2

TsiꞋ e mbììte awɨ̧ ànəê yeamɔꞋ. Bɨ li me bɔ Fo Mbɔ̧ɔ̧mà ale ngu ndɨ bɨ̀a ngɨ̀à àghɨa mbɨ̧tsə te shu la kò wuê ndɨ̀ wu bɨ li ndzì mèntɨ̧ɨ̧ mɨ̧ ane Yesò la à?

Lûm 2:14

Bòt bu kà wu Bèjuê la àa ngɨ̀ bɔ̀ ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la, a wua nyɨ̀Ꞌta nê bɔ batè bɔ̀ ka bɔ àkata mbɨ̧ ale, mbɔ̂ nko mbɨ̧.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

Lûm 7:25

Mâ kɔ̀ŋke a Mbɔ̧ɔ̧mà nê wu Yesò Klistò Lefɨ̀Ꞌ wa ka betsiꞋa tà ghɨ̀ ba pem la. Ale, ane abà ako màa ngɨ̀ e me kɨ ghɨ àghɨa mbɨ̧ Mbɔ̧ɔ̧mà kɨa la a èntɨ̧ɨ̧ am, ayea ko nè abà e me ghɨ wuê a kàbɔ̀ŋ wu mbɨ̧̀ yaã nàa nkɨà la.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

ÀfaꞋa 21:25

È me wu bòt kà wu Bèjuê bu bɔ zì mèntɨ̧ɨ̧ mɔb ane Yesò la, ko bà le yaŋe tsàà àwɔb àkatè nê, bɔ̀ ka nkwèle nyà̧ bɔ nɨŋ ntsì èpɨ̧̀ adù̧ la, bɔ̀ ka nkwèle nyà̧ bɔ tɨ̀ŋè la, bɔ̀ ka mè njɨ̀ àlo̧, bɔ̀ ka mè ntsi nɔ̀ŋkè nè bèzi kà wu ebɔb.”

ÀfaꞋa 16:4

Mbɨ̀Ꞌɨ̀ bɔ̂ tò àà ntsea a èpfəè nɨ̧ ngà la, bɔ me shu bòt Yesò bu mbɨ̧ tu bɔntu̧ nè bɔɔjuŋ ayɔɔ bòt tò e li ntsìte a Jèlusalèm la, mbɔ̂ nê bɔ̀ me nɔ̀ŋe mbɨ̧te ngaa ntsɔ̧̀.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

ÀfaꞋa 15:28

Ba Fo Kèfə ba e kwaꞋtè nê, bà ka nɔ̀ŋè àbòꞋà ko tsa àtsə ayɨ̧, kà wu mbɨ̧ tàa wòt Yesò ègème e bɔ̂ ndɨ tàa me nɔ̀ŋè la.

Gàlashìà 6:2

Bɨ̀ me ŋeꞋe ètoole bɔnyɨ bɨ̧ nɨ̀a nyɨ̀Ꞌta nê bɨa ngɨ̀à mbɨ̀Ꞌɨ̀ mbɨ̧ Yesò Klistò shu la.