1 Kɔlìn 9:18 - Mundani

¹⁸ Àbȩ̀ am nàa anè ngu ghàà? Àbȩ̀ am wu ndɨ màa ndàꞋà èngǎ̧ Mbɔ̧ɔ̧mà àku, è nka mê ngua nkɨà àghɨa è wù àyaã la ane Ntu̧ Ntsɔ̧̀ yu màa ndàꞋà la.

1 Kɔlìn 9:18 Referans Kwoze

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.

1 Kɔlìn 8:9

Ka bɨ̀ me ko awɨ̧ mbɨ̀Ꞌɨ̀ bɨ bela ngɨ̀à, ngɨ̀ bòt bɔ̀ɔ njùa la e fà̧ ànəê a mbì Mbɔ̧ɔ̧mà.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 7:31

Bòt bu bɔ̀ɔ ngɨ̀à mènəè ngɔ̀ŋ la è mě ntsiꞋi me tseke mbɨꞋɨ̀ bɔɔ kà ghɨ mènəè nè ngɔ̀ŋ mbɔŋ. Bɨ̀ ghɨ̀ ale nkàà nê ngɔ̀ŋ yaa nè mènəè mi tsèà tsě.

Lûm 14:15

Àghɨa àa njɨ̀a la a wu sɔ̀ɔ̀be èntɨ̧ɨ̧ wanyɨ wè, ko à kà tsi ngɨ̀à ane èkɔŋ. À ka ngɨ̀ àghɨa àa njɨ̀a la, a tsòkè wanyɨ wè wu Yesò Klistò li mpfə ambo tò la.

Jɔ̌n 4:36

Wòt wu tàa fùꞋà la, tàà mbɔ àbȩ̀ àfàꞋ àzi, mbɔ̂ ngua fete bòt mbɨ̀Ꞌɨ̀ bɔɔ bɔ mèmpème kàlìà. Ale, wòt màndiꞋa nè wòt màfuꞋa bɔɔ fɔte ewùꞋtè àwɔb.

ÀfaꞋa 18:3

ngà ntsèke me fàꞋà bɔ̂ tò ba, ndɨ̀ wu tà lè wu wòt tàa nɨa gubtenyà̧ ngɨ̀à bayò mbɨ̀Ꞌɨ̀ bòt ngaa la.

1 Kɔlìn 3:8

Wòt wu tà nyɔ̀Ꞌ la, nè wòt tà zì mèleb la e wua ngɨ̀à wuê àfàꞋ yeamɔꞋ, Mbɔ̧ɔ̧mà na li ŋa àbȩ̀ waa waa mbɨ̀Ꞌɨ̀ tà ghɨ àfàꞋ àzi la.

1 Kɔlìn 9:12

Tè bòt ko e wu me shu nê wu àdziꞋa yɨ̧ a màŋa wɔb èghɨ, è me wu awa bɨ̀ ka ŋa abua ya tê ntsè? Ka ba bakà ghɨ mbɨꞋɨ̀ ba wuê ghɨ̀ la, baa nɨa àghɨ àgème mbɨ̀Ꞌɨ̀ àa la, mbɨ̀Ꞌɨ̀ ka baa ghɨ̀ àghɨa àa kele bòt nê bɔ̀ ka mbɨ̧̀ɨ̧̀ne Ntu̧ Ntsɔ̧̀ Yesò Klistò la.

1 Kɔlìn 9:15

Ka e mbakà jɨ àbȩ̀ èghɨ bàa mbɨ̀Ꞌɨ̀ mâ wu ejɨ la, è nka mê ngua shɨa letà waa nkɨà nê bɔ̀ ŋa èghɨ ko abua am. Àghɨa a tsiꞋi tè e kele am nê è ngàꞋtà am, e mpfə.

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.