1 Kɔlìn 6:9 - Mundani

⁹ Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

1 Kɔlìn 6:9 Referans Kwoze

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

1 Kɔlìn 6:19

Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.

1 Kɔlìn 5:10

E ndi è nka wua shua bòt ngɔ̀ŋ bɔ̀ɔ mpàꞋta àbɨ̧ la, kò bòt aghàbà, kò bètsɔŋ, kò bòt bɔɔ nkùkta bènàmbəa la leꞋ. E ndi ngua shua nê bɨ̀ ka mbɔ̀ àghɨa ko a màngɨa ne nɔ̀b, ko bɨ bɔ ndɨ bɨ̀a sǎ ngɔ̀ŋ yaa nènkèm la.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

Lûm 1:18

Mbɔ̧ɔ̧mà è tse a ègwet me nyɨꞋte ndɨ yèa ntsòa ane bòt bàgème bɔ tu̧u̧ zə atò, me ghɨ wuê kàbɔ̀ŋ, tè kàbɔ̀ŋ mbɔŋ kele bòt, bɔ̀ ka tsi nko nkûŋ la.

Ebùlù 12:14

Bɨ nyɔta ndze nê bɨà ntsèke ane àlàŋkè nè waa waa, mè me tseke mbɨ̀Ꞌɨ̀ bòt mènəè ntsɔ̧̀ nkàà nê, wòt bakà wua ngɨ̀à ale, tà kà ye a Mbɔ̧ɔ̧mà.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

1 Kɔlìn 15:33

Bɨ̀ ka mbɨ̧̀ɨ̧̀nê wòt fɨ̀te awɨ̧, “Bèshu̧ kàbɔ̀ŋ bea ntsòkà wòt mènəè ntsɔ̧̀.”

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

1 Kɔlìn 5:1

Bɔ shu am èwuu ànəa ko nê bòt ko aa mpàꞋta àbɨ̧ a kètsìà wɨ̧, tè ngɨ̀ fɔɔle ane ndɨ bòt kà ko a Mbɔ̧ɔ̧mà àa ka ghɨ̀ la. Bɔ shu am nê wòt kǒ paꞋte vi tǎt vi.

Jimsì 1:16

Ngule bɔnyɨ, bɨ̀ ka fɨte awɨ̧ bɨ̀ambɔŋ.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

Matìù 19:29

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

ÀfaꞋa 24:25

Pɔ̂l è ghɨ̀ ale, tà mè ngà nè mbì me làꞋa ndɨ bòt e wu me ghɨ̀ mènəè Mbɔ̧ɔ̧mà nàa nkɨà la. Mè ndàꞋà ndɨ bòt e wu me baãaã mèntɨ̧ɨ̧ mɔb ka ngɨ̀à mènəè la, mè shu ndɨ Mbɔ̧ɔ̧mà nàa li esaꞋa a waa waa ane àlia ko la. Mbɨ̀Ꞌɨ̀ tàa ndàꞋà mènəè maa la, Felìk è bùꞋ me bɔa, tê ntsìꞋi shu abua tò nê, “TsiꞋ ale àfɨ̀Ꞌ yaa me ghǎ. Maa mě è mbɔ àfɨ̀Ꞌ, ka e mè ntɔ awê.”

Lûk 21:8

Yesò shu abua yɔb nê, “Bɨ̀ me ko awɨ̧ mbɨ̀Ꞌɨ̀ wòt fɨte awɨ̧, na bòt aa li taꞋa kɨꞋɨ ane èlen laã e me shu nê, ‘E ngu tòà’, e mě laꞋnê ‘Àfɨ̀Ꞌ a kuêꞋ’ la. Ka bɨ̀ ka nkùŋè àwɔb.

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

1 Kɔlìn 5:11

Ka e ndi ngua shɨa nê bɨ̀ ka mbɔ̀ àghɨa ko a màngɨa ne wòt tàa shua nê ye wu wanyɨ wa mbɔ̀ mbèla njɨ̀a ngò̧ò̧tètsə, kò ngɨa aghàbà, nkùkta bènàmbəa, njɨ̀a mènaŋ, nua mèlùꞋ mbea, kò ntsɔa la leꞋ. À ka mbê njɨ̀ àghɨ bɨ èwuu bòt mbɔŋ.

1 Kɔlìn 6:18

Wòt ka njɨ̀ àbȩ. Kàbɔ̀ŋ ègème wòt nàa ngɨ̀à la nàà kà baãaãte mbɨ̧̀ ènyit wòt, ka mànjɨa àbȩ nàà tsòkà mbɨ̧̀ ènyit wòt.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

Gàlashìà 6:7

Ko mbɨ̀Ꞌɨ̀ wòt fɨ̀te awɨ̧. BetsiꞋa wòt kà wȩȩte a Mbɔ̧ɔ̧mà. Àghɨa wòt liꞋi la, wu wuê yùà yu tàa li efùꞋù la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

1 Jɔ̌n 3:7

Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.