1 Kɔlìn 5:7 - Mundani

⁷ Ale, bɨ̀ tsia kàbɔ̀ŋ wu ayɔɔ yɨ̧, è wù mbɨ̀Ꞌɨ̀ yis nyǎꞋ la, mbɨ̀Ꞌɨ̀ tsiꞋi bòt fi nènkèm. Mâ ko nê wu ndɨ bɨ̀a la. Bɨ̀ ghɨ̀ ale, nkàà nê, Yesò Klistò pfə tê ndɔ̀Ꞌ nkàà bèkàbɔ̀ŋ bɨ̧ mbɔŋ. Tà wu mbɨ̀Ꞌɨ̀ wanjɨ̀ wu bɔ li ngua nkɨ̧̀ɨ̧̀ma ŋǎ abua Mbɔ̧ɔ̧mà àfɨꞋa èpǎ̧ Màntsea a ègwet la.

1 Kɔlìn 5:7 Referans Kwoze

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

Ètsə 5:12

Bɔ me kɔ̧a ŋȩ̀a shua nê, “Wanjɨ̀ wu bɔ li mbùŋè la è kùꞋa màmbɔ mètàŋ, nè èghɨ nyaŋ nè èyì mè nè ènɨ̧. TsiꞋ bòt è ŋa kènuke abua tò, ngùꞋtè atò mè nkɔ̀ŋkè atò.”

1 Kɔlìn 10:17

Ndɨ̀ wu bled nàa wemɔ̀Ꞌ, bàagème e mè me jɨ a bled ngaa la, a wua nyɨ̀Ꞌta nê, baa mbàta ndzà̧aã ale ka mbɔ̂ ngu mbɨ̧̀ ènyit yemɔ̀Ꞌ.

Jɔ̌n 19:14

Bɔɔ ngɨ̀à ale, è tsìꞋi mbɔŋe a kètsìà nèngû̧ ane àli yu bɔ̀ɔ ntàŋka ètsəꞋ aa tsi naa wu àlia èpǎ̧ Màntsea a ègwet la. Pȩlèt shu abua Bèjuê bu nê, “Bɨ̀ yea Fɔ̧̀ wɨ̧.”

Ntu̧ Ntsɔ̧̀ MAK 14:12

Àlia mbì a èpǎ̧ bled wu nàa ka kɔꞋ la a li nkɨ̀Ꞌɨ̂, è wu àli yu bɔ̀ɔ nkɨ̧̀ɨ̧̀ma bɔɔnjɨ̀ ane èghɨjɨ èpǎ̧ Màntsea a ègwet la, bɔkatè Yesò e biite atò nê, “Àa nkɨà nê, bà taŋke àdziꞋa àa jɨ èghɨjɨ èpǎ̧ Màntsea a ègwet la, nèŋàà?”

Jɔ̌n 1:36

ndzě a Yesò ngȩ̀ȩ̀nà ntsèà la nê, “Bɨ̀ ye Wanjɨ̀ Mbɔ̧ɔ̧mà.”

1 Kɔlìn 5:13

Ale, Mbɔ̧ɔ̧mà ka tàa saꞋa bòt bu àbȩ la. “Bɨ̀ fəâ wòt kàbɔ̀ŋ wu ayɔɔ yɨ̧ la.”

Matìù 13:33

Yesò mè shu awɔb èngà̧teme ko nê, “Kèfɔ̧̀ Mbɔ̧ɔ̧mà wu mbɨ̀Ꞌɨ̀ yis wu naa ngɨ̀à ka bled è kɔ̀Ꞌa la. Àvi nàa ngɨ̀ tà nɨ̀ adzìꞋ ntɔ̀bte ane bapfəèꞋ fàlawà batat è tsekè tè ngȩȩne a èbem fàlawà wu ègème ngɨ̀ è kɔꞋ.”

Lûm 3:25

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ.