1 Kɔlìn 5:13 - Mundani

¹³ Ale, Mbɔ̧ɔ̧mà ka tàa saꞋa bòt bu àbȩ la. “Bɨ̀ fəâ wòt kàbɔ̀ŋ wu ayɔɔ yɨ̧ la.”

1 Kɔlìn 5:13 Referans Kwoze

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

1 Kɔlìn 5:5

bɨ zì èwuu wòt waa a tèkitebu Satàn, mbɨ̀Ꞌɨ̀ tà ŋèꞋne mbɨ̧̀ ènyit tò ane kàbɔ̀ŋ tò, è wu ane àlia Yesò Lefɨ̀Ꞌ kɨꞋɨ la tà ghɨ̀ àlɨ̀ŋkè a ŋut a pem.

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

1 Kɔlìn 5:7

Ale, bɨ̀ tsia kàbɔ̀ŋ wu ayɔɔ yɨ̧, è wù mbɨ̀Ꞌɨ̀ yis nyǎꞋ la, mbɨ̀Ꞌɨ̀ tsiꞋi bòt fi nènkèm. Mâ ko nê wu ndɨ bɨ̀a la. Bɨ̀ ghɨ̀ ale, nkàà nê, Yesò Klistò pfə tê ndɔ̀Ꞌ nkàà bèkàbɔ̀ŋ bɨ̧ mbɔŋ. Tà wu mbɨ̀Ꞌɨ̀ wanjɨ̀ wu bɔ li ngua nkɨ̧̀ɨ̧̀ma ŋǎ abua Mbɔ̧ɔ̧mà àfɨꞋa èpǎ̧ Màntsea a ègwet la.

1 Kɔlìn 5:1

Bɔ shu am èwuu ànəa ko nê bòt ko aa mpàꞋta àbɨ̧ a kètsìà wɨ̧, tè ngɨ̀ fɔɔle ane ndɨ bòt kà ko a Mbɔ̧ɔ̧mà àa ka ghɨ̀ la. Bɔ shu am nê wòt kǒ paꞋte vi tǎt vi.

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

1 Kɔlìn 5:2

Bɨ bɔ̂ me ŋeꞋe tèkwȩ a ègwet nê bɨ wu bòt Mbɔ̧ɔ̧mà, è bɔ̂ ngu àghɨa bɨ wuê tseke ane tèsȩ me shùù mèsi la. Bɨ̀ tsǐ wòt tà ghɨ̀ èwuu ànəê yaa la ayɔɔ yɨ̧.