1 Kɔlìn 4:7 - Mundani

⁷ Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

1 Kɔlìn 4:7 Referans Kwoze

Jɔ̌n 3:27

Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.

Jimsì 1:17

Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

Lûm 12:6

Ale, bàà me nɨ mèghàb mu tsa tsa Mbɔ̧ɔ̧mà nɨa ntsɔ̧̀ vi ŋa abua ya la fàꞋà. Èwe wòt nè èghàb è wu màndaꞋa àtɔŋ Mbɔ̧ɔ̧mà, tà me làꞋa ane èlɨ tà ko nê Mbɔ̧ɔ̧mà shu avi la.

Jɔ̌n 1:16

Tà kɨꞋɨ ale me kɔ̀ŋkè bòt nyaŋ ngɨ̀à ba bɔ mèngùꞋte mu è dzə abua Mbɔ̧ɔ̧mà la a ngo̧ a ngò̧.

Lûk 19:13

Tà tsiꞋa mànga, tà tɔ bɔfàꞋ bi èghem, ŋa wòt ègème èfəꞋə èkab nɨ̧ lemɔꞋ, lemɔꞋ. Mbɔ̂ ngɨ̀ ale shu abua yɔb nê, ‘Bɨ̀ zi ane èwen tè è ngǎ nkuà.’

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

1 Kɔlìn 5:6

È ntsě ànəa ntsɔ̧̀ bɨa me ŋeꞋe tèkwȩ tɨ̧ a ègwet. Bɨ bakà ko laꞋ nê betsiꞋa adziꞋi yis ghɨ̀ apfəèꞋ fàlawà kɔꞋ ndû̧ èpfəêꞋ?

1 Kɔlìn 3:5

Àpolòs nàa nè ngu wàà? Pɔ̂l mè ngu wàà? Ba wu wuê bɔfàꞋ Mbɔ̧ɔ̧mà tà li ntsè ane ya ngɨ̀ bɨ zì mèntɨ̧ɨ̧ mɨ̧ ane Yesò Klistò la. Waa waa ane ya nàà ngɨ̀à wuê àfaꞋa Mbɔ̧ɔ̧mà ŋa nê tà ghɨa la.