1 Kɔlìn 4:4 - Mundani

⁴ E mbakà ko ànəa ko mâ fà̧à̧ la, ka è nka wua shua nê mâ kuꞋu e mbì Mbɔ̧ɔ̧mà. Wu Yesò Klistò ka tàa bàŋe am la.

1 Kɔlìn 4:4 Referans Kwoze

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

Lûm 2:13

È ntsě bòt bu bɔ̀ɔ ndzəa mènəè mu mbɨ̧ Musì nàa shua la ka bɔ̂ kùꞋu e mbì Mbɔ̧ɔ̧mà la, wu bòt bu bɔ̀ɔ ngɨ̀à àghɨa mbɨ̧ mbɔŋ shua la. Wu bɔ̀ɔ̀ba ka bɔ tɨ̧ɨ̧ ndɨŋndɨ̀ŋ a mbì tò la.

ÀfaꞋa 23:1

Pɔ̂l bê ntsìte àghɨ azi adù̧ bòt èsaꞋa bu mbɔ̂ nê, “Bɔnyɨ bɔ̧ bòt Izəèlȩê, èntɨ̧ɨ̧ am aà kà feele am ngu nê, ekɨꞋɨ ŋa laane waa, mâ ghɨ̂ wuê mènəè mu Mbɔ̧ɔ̧mà nàa nkɨà la.”

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Lûm 4:2

Mbɔ̧ɔ̧mà li ngɨ̀ ale ngua nɨa Abàlàghâm mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà àfaꞋa ntsɔ̧̀ atò, ko tà li mbɔ̀ lə tàa me wu̧u̧ nkùꞋ zi la, ka tà kà wu ko ghɨ̀ ale, a mbì Mbɔ̧ɔ̧mà.

1 Kɔlìn 4:3

Bɨ màà me bàŋe am, kò bòt ko tsa e bàŋe am leꞋ, ko à yu ntsě ànəa abua am. Maà kà lem mbàŋa am mmɔ̌ mbɔŋ.