1 Kɔlìn 3:12 - Mundani

¹² Bòt ko aa nɨ a goêl, kò silbà, kò àti a ntsɔ̧̀ leꞋ, e nɨ bɔ̧ɔ̧ ègwet àtetsi yaa; èbeko e wu nɨ èyɨt, èbeko èbin, kò mèghȩ leꞋ.

1 Kɔlìn 3:12 Referans Kwoze

2 Tɔ̀màtià 4:3

Ko nê àfɨ̀Ꞌ àko aa nkɨ̀Ꞌa kà bòt e wu tsi me yute bòt bu bɔ̀ɔ ndàꞋà mènəè nkûŋ la. Bɔɔ li egha ambo ndɨ bɔ̀ɔ nkɨa wuê àghɨa mèntɨ̧ɨ̧ mɔb nàa nkɨà la, etsiꞋi me nɨ wuê bènyɨꞋtà bu bɔ̀ɔ me shu awɔb èghɨ ètû̧ bɔb aa ntèa nkɨ ezə la, e bɔ̂ me kwèꞋnè àwɔb nɨa ngà nè mbì.

2 Tɔ̀màtià 3:7

Bɔɔ̀ ntsèka nkɨ̌ eko mènəè, ka bɔ̀ ka wu me pfə eko nkûŋ.

2 Tɔ̀màtià 2:20

Àa ngɨ̀ à nyi a èbem lob nɨ̧, à ye tèwuute bapfəèꞋ tègème, èbe bɔ ghɨ ane silbà nè goêl la, nê èbe bɔ ghɨ ane èyɨt la mè nè èbe bɔ ghɨ ane ètsaꞋ la. Beko wu èbe bɔ̀ɔ mbà̧à̧ta a lob àli àgème la, beko wu èbe èpà̧.

Ètsə 21:18

Bɔ li bɔ̧ àkaã mbɔŋ ane àti ko àa nkàꞋtà bɔ̀ɔ ntɔ ane jaspà la, mè bɔ̧ àpfəèà nɨ̧ a mbɔŋ ane ndaŋa goêl bɔ tò̧ tê è tsìꞋa fəèəèta mbɨ̀Ꞌɨ̀ àlùgɨ̀lâ la.

Ètsə 3:18

Ale, mâ kɨɨte awɨ̧ nê bɨ̀ kɨꞋɨ abua am njû̧ a ngule goêl bɔ to̧ a èwet tè ndɔ̀tetsə te dzə adù̧ la, mbɨ̀Ꞌɨ̀ wu ndaŋe bòt èsi ntsɔ̧̀. Bɨ̀ kɨꞋɨ mɨ̧̂ njû̧ ndìte kèfə nkàbte mbɨ̧̀ tɨ̧, mbɨ̀Ꞌɨ̀ tea ghɨ̌ bɨa baka tsi mbɔ̀ àtsəa kɔꞋɔ. Bɨ̀ mě nkɨ̀Ꞌɨ̂ njû̧ èghɨbə ndzì àghɨ ayɨ̧ mbɨ̀Ꞌɨ̀ e me ye èdziꞋ ntsɔ̧̀.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

Ètsə 2:14

“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

1 Kɔlìn 3:11

Nkàà nê Mbɔ̧ɔ̧mà tsia Yesò Klistò ane àtetsi tè ndɔ̀Ꞌ. Ale, àtetsia tsa à ka tsi nguê.

1 Kɔlìn 3:13

Àghɨa àfaꞋa waa waa à wu yùà la aa li pùùla ayaã ane àli yu Yesò Klistò kɨꞋɨ saꞋa ngɔ̀ŋ la. Èwet aa li ghɨ̀ bɔ yè àfaꞋa waa waa, nkàà nê taa li nɨ èwet e yute àfaꞋa wòt ègème.